Accueil - sefarad.org

Tapadas de muestras avuelas

    MENU    
SEFARAD.org
HELP us
Print
Retour
Tapadas de muestras avuelas

Muestra amiga Suzy Danon mos dyo las formulas sigyentes:

Echura.

Antes de todo se apareja la masa, la kuala es la mizma para todas las kombinasyones:

Meter en un resipyente :una kupa de azeyte, medya de leche, una grande kucharada de kezo seko "Kashkaval" finamente rayado, (+ un pelishko de sal si es menester, depende del grado de salador del kezo) mesklar lo todo i adjuntar arina asta obtener una masa mas o menos blanda ke no se apega a la mano, finyirla i desharla repozar una o dos oras.

Despues de un syerto tyempo de repozo: avrir la masa kon un rodiyo de tavla, meter una partida al fondo de un plato ke va al orno , adjuntar el gomo (la farce) i por terminar kuvrir lo todo kon una segunda mano de masa sovre la kuala se espande un guevo krudo byen batido kon ensima kezo rayado.

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

- Copyright © sefarad.org - 1997 - 2013