Accueil - sefarad.org

Varios gomos

    MENU    
SEFARAD.org
HELP us
Print
Retour
Varios gomos

Gomo para la tapada de espinaka: "Ojas de espinaka", "kezo blanko- feta", kezo seko rayado","guevos","un poko de azeyte".

Lavar las ojas de espinaka, kortarlas finamente, finyirlas kon aproksimativamente 150/200 gramos de kezo blanko,meter a eskurir antes de adjuntar el kontenido de una o una kupa i medya de kashkaval rayado, ansi ke uno o dos guevos ; mesklar byen lo todo antes de meterlo sovre la primera mano de masa ke se topa al fondo del plato ke va al orno i kuvrir (komo dicho mas arriva) kon una segunda mano de pasta sovre lakuala se espande" guevo krudo byen batido" kon ensima kezo rayado.

Gomo para la tapada de merendjena asada i pikada: Un kilo i medyo de merendjenas redondas , dos tasas de kezo seko rayado, dos guevos, polvo de matsa o galeta) .

Asar las merendjenas direktamente sovre la lumbre , alimpyarlas de sus kashkaras kemadas debasho la huente, deshar byen byen eskurir en un tropito durante dos o tres oras antes de batirlas kon una kuchara o espatula de tavla asta obtener un gomo mas o menos omojeneo... adjuntar una kucharada de pudra de galeta afin de dar un poko de konsistensya,dos tasas de kezo seko (no muy salado),un poko de azeyte(a voluntad) i dos o tres guevos. Kontrolar la salador del kezo antes de meter o de preferensya no meter sal.

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

- Copyright © sefarad.org - 1997 - 2013