Accueil - sefarad.org

Sofrito de Yerushaláyim

    MENU    
SEFARAD.org
HELP us
Print
Retour

 

 

 

 

Sofrito de Yerushaláyim

 

Ingredientes:

 

1 kilo de karne de palía kortada a kubikos

2 sevoyas pikadas

4 patatas grandes o 6 chikas kortadas a kubikos

1 kuchara de polvo de supa de karne

¼ de vazo de azeyte

2 vazos de agua buyendo

sal i pimienta  (a gusto)

 

Preparasión:

 

Se sufriye en una oya la karne en l`azeyte.

Se adjustan las sevoyas i se kontinúa a sufriyir.

Se adjusta una vazo de agua buyendo i se koze a lumbre basha asta ke la karne empesa a ablandarse.

Se adjusta el polvo de supa, la sal i la pimienta  i el otro vazo de agua buyendo,  i se kontinúa a kozer, asta ke la karne está kocha.

Se friyen en una sartén a parte los kubikos de patata en la azeyte. (Se puede i no friyirlos).

Se adjustan a la karne.

Se adjusta  otr`un poko de agua keynte (si ay menester), i se koze asta ke las patatas están kochas.

Se sierve keynte.

 

                                                                           Matilda Koén-Sarano - 2000

                                            

                                                                            (del livro "Gizar kon gozo" de Matilda Koén-Sarano,

                                                                            en vía de publikasión)

 

                                                                                                                                       

 

 

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

- Copyright © sefarad.org - 1997 - 2013

Retour au Site sefarad.org