Accueil - sefarad.org

Matilda Gini

    MENU    
Sefarad
[Matilda Gini]
Help us
Retour

MOGADÓS DE MUEZ

Matilde Gini de Barnatán
Nacida en Buenos Aires Vive en Madrid

Receta de su familia materna Codrón-Alalouff de Rodas

Materiales:

500 grs de muezes peladas
6 biskochos largos i kon asukar por endriva
250 grs de asukar
4 kucharas de kanela mulida
250 cl de agua (o 30 kucharas)
6 klavos de olor
asukar glas para dekorar

Elavorasión

* Machakar las muezes i los biskochos sekos endjuntos.
* Adjustar avagar avagar la asukar i la kanela.
* Meter a buyir la agua endjuntos kon los klavos de olor unos minutos , kitarlos i adjustar la agua a la mesklatina de muezes.
* Esto es delikado;es menester tener en tino el karar djusto de agua ke yeva, dunke si metemos muncha agua ,no keda buena la meskla.
* La meskla keda kon azete i se aze una mesklatina kon las manos .
* Kozer en sarten a lumbre basha moviendo kon kuchara de madera,avagar avagar i de endriva a embasho asta ke la meskla kede atada i omojena.
* Kuando esta pronta i no muy kaente amasar komo rulos aplastados i kurtar en rombos echando por endriva la asukar glas.
* La forma orijnal es formar unas bolikas redondas.i azer a la manera de una pirámide o medialuna

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

- Copyright © sefarad.org - 1997 - 2013