Accueil - sefarad.org

Borekitas

    MENU    
SEFARAD.org
HELP us
Print
Retour
Este labor no es labor de « kitarse los ojos de la kara”, ama es labor duro para mi por tradusir unas kuantas recetas de cozina.
Estas recetas, me lo dieron mis keridos tio Nisso (Nissim) Hugnu zl, ke nasio en Rhodes, ke se fuyio en el Kongo, i ke tomo por mujer una djudia de Fransia, Elza Cohen zl, enkontrada en Bordeaux.br> Mos embezaron resetas de cuzina komo se azia en este tiempo (antes de la deportasion) en Rodes, kuando vinieron a visitarmos en 1987, a mi madre, Bellina Hemmo de Hugnu zl, la ermana kerida de Nisso, a mis ijikos Daniel i Vania i a mi, kuando moravamos en Valbonne (Alpes Maritimes) Fransia.

BOREKITAS

Una kopa o un vazo de azeite
Una kopa de agua (un poko mas de la azeite)
Tomar un poko de agua kaliente i de arina
Desleir un poko de levadura de panadero, meter la arina
Azer una masa ; esta no deve mas de pesgar en los dedos mojados
Se desplega la masa por medio de una botelia
Deshar repozar la masa.

Borekitas Saladas

Uno : Areyenadas de patata
Patatikas ervidas machakadas por un tenedor (4 patatikas o mas)
Un yema de uevo (o unos kuantos uevos enteros) – meter kezo raliado i sal
Meter endriva de la masa i kon las manos dar forma de « croissant » o forma redonda por medio de un vazo invertido, o forma de karakol fino enroskado sobre un dedo, o forma de una roska mas godra.

Dos : Areyenadas de espinaka o prasa
Kortar a la espinaka kruda a menudaya
Kezo raliado, preferido Parmezan (el kezo « Gruyère » no sta bueno)
Un poko de patata machakada
Meterlo todo bien mesklado endriva de la masa y enroskar en forma de samosas (sambosek) triangulares.

Tres : Areyenadas de karne
En un poco de azeite kalyente reogar una seboya blanca i la karne pikada en la sarten
Echar un poco de agua por modo ke la karne se dezate
Deshar ke se resfrie, mezclar sal i pimienta
Areyenar la masa kon esta karne pikada, azer roskas apretando de todas parte ke sea bien serada la masa, ansina, el gomo no se va eskapar durante la gizada
Otro vario : Se puede mezklar shampinion desataskados

Kon el dedo, meter azeite en un plato. Meter las borekitas una por una en el plato Dar unos tokes de yema de uevo
Espolvorear kon un poko de kezo ke no se funde, unos kuantos granos de anis, de sumsum (sezamo),…
Se avra ensendido el orno antes al fuego mas fuerte (9) durante un kuarto de ora.
Meter el plato en el orno i lo abasharan el fuego asta 7 o 6
Gizar durante 20 minutos. Miré ke no se kema lo debasho de las borekitas.

Ke se chupen los dedos !

Salud i vida

-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

- Copyright © sefarad.org - 1997 - 2013