Accueil - sefarad.org

La Agristada

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

LA AGRISTADA
 
 
LA AGRISTADA, UNA MARAVIYA
DE LA KOZINA SEFARDITA
KON LA KARNE PASADA
KON EKL PATO O LA GAYNA
O EL PISHKADO GAYA
KON EL MEOYO DE KAVRETTA
O LA ALLUENGA SAVROZA.....
 
La agristada viene de la palavra  AGRO - AIGRE !
kon la mizma rais ke en Fransez.
 
Fasil de entender dunke ke se aze kon LIMON !
 
Unos  yaman la agristada  "Kon gueyvo o limon" !
Ya savesh por seguro kualo sinyifika
"te vo azer kon gueyvo i limon "  !   Guay guay....
Yo m' espanto  !   Me fuygo si me dizen esto !
Para kualo entrar en kama de hazino ? 
Kere dizir ke me kere kitar la almika !
I yo mi almika no lo do a DINGUNOS !
 
Alora...  "kon gueyvo i limon"  en el mupak, yani
la kozina es  AGRISTADA  i sale komidas
sharonfonfon !
 
Lo ke tenemos de menester  :
 
1 limon - ermozo i kon jus !
2 kucharas de arina
2 gueyvos
Medya kupa de agua chika de AZEYTE DE OLIVA !
sal i pimyenta
 
PARA UNA KALDERA BASTANTE GRANDE
DE YULIKAS  -  petites boulettes en grosses billes -
 
o  GAYNA  
o 1 Kg. de PISHKADO, 
o  2 meoyos de "veau"  
o  una alluenga de 1 kg i mas...
 
No se si ay alluenga i meoyo agora en los
payizes de la Union Evropea...  Si no ay
es pekado porke es muy savrozo !
 
I pisjkado Gaya  ay ?  Ken save ! 
No me akodro aver visto esto. Ma se puede azer
kon kualker pishkado, sin munchas espinas.
 
PARA KOZINAR  :
 
Tomames un bol i aharvamos bueno bueno
los 2 gueyvos.  Meneyamos kon la arina
ke vazyimos agora al bol.  Atensyon !
Ke se derrita bueno aryento i ke no keden
pedasikos.  Esprimimos el limon...
Si ay muncho komida adjustar un medyo
limon mas... En todo 1 limon i medyo.
Azer una sos homojena kon el limon,
los gueyvos battidos, la arina, la sal,
la pimienta preta o blanka el la medya
kupa de azeyte. 
 
Adjutar a esta sos un poko del kaldo de
las yulikas  ke buyimos en agua kaynte
por 10 minutos.  Meneyar presto para
ke kede homojena sin pedasikos.
 
Dospues vazyar la sos, meneyando,
en la kaldera de las yulikas.  Meneyar
para ke kede homojen i kozer fina ke
las yulikas se kozen enteramente.
 
Dospues ke se abasho de la lumbre
se le puede azer MAKIYAJ kon prishil
finamente kortado.
 
Se syerve en chinis or chanaka de SUPA
kon kuchara i se kome kon pan tostado.
 
Los de vuestra meza se van a NAMORAR !
 
BE atzlaha !
 
Sharopika
kon el chapeyo alto de los gizanderos
 
 
 

- Copyright © sefarad.org - 1997 - 2018

Retour au site sefarad.org -