Accueil - sefarad.org

Furnisto - El kodrero de Pesah

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

FURNISTO   -    El kodrero de Pesah 

Mis keridos,


De chupar los dedos este kodrediko al orno !
Uzamoz merkar el braso del kodrero para el "furnisto"

En el tepsi del orno espando bien el papel aluminyum.
I asyendo el orno para ke se kaynte,

En un tendjere (kaldera) 
sofriyo kuartos de  3 sevoyas 
(a mi me plazen grandes..Es mijor porke sino dezaparesen) 

i los pedasos de kodrero
(lavados i deshados kon sal i agua para ke se les vayga
la sangre.) 

No sofriyo muncho...Ansina los abolto unas kuantas vezes.  

Dospues echo la domat, la sos tomat, la pure de tomat...
lo ke uzas...Yo uzo la salsa ke konosemos. 

Abolto lo todo unas kuantas vezes.

Adjusto la sal, pimienta korolada, kuchara de supa de oregano.  

Agora es el momento de vezyar el vino.
1 Kupa no muy yenna de vino korolado ansina de fiesta !

(3 - 4 ojikos de ajo si te plaze... yo meto )

Kito el tepsi del orno

i meto los kuartos, no muy chikos, de patatas
ke apareji i meti aryento del agua.

Buenos duzudados i vazyo mi komida ensima....

Golores de kitar loko al benadam !

Le mete unos kuantos pimyentones largos ensima i
kuartos de tomat mundados.

Lo kovijo este trezoro kon papel aluminyom
ensima del kual ago unos kuantos burakos kon el piron.

Lo aprekanto, le embiyo un bezo i ciaoooooooo  aryento
del orno ! 

Kuando esta bien kocho  ( el orno no muy kaynte )
 ansina komo halva derityendose...

le kito el papel aluminyum para ke tenga ermozas kolores
ruvyas :). 

Un sekreto ?  Nunka basta esta komida !

Salud i Braha...Fiestas allegres

sharope blanco en Istanbul

- Copyright © sefarad.org - 1997 - 2017

Retour au site sefarad.org -