Accueil - sefarad.org

Endjinaras

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

ENDJINARAS 


Las endjinares se kozen de una manera
unika en las kazas judias de Istanbul.

Es una de las mas savrozas komidas ke
egziste en muestro mupak.


Este zarzavat (vegetable - legume) 
empesa a salir a los merkados en Avril
fina la fin de Junio.

( La verdura para mozotros es prishil
salata vedre, lechuas, anito, sevoya
freska etc...)

Agora, i ay munchos anyos de esto,
el vendedor de las endjinaras las munda
en kitando las ojas i kavakando lo de
aryento para darmos los korasonikos
limpyos, dospues de fregarles limon
porke si no, se empretesen pishin !

En kaza las lavo i les frego limon de muevo.
Los meto en un tendjere (kaldera en ESAPANYOL
ma uzamos el biervo tendjere aki) i las
kozgo komo todos en Istanbul...En metyendo
azete de oliva (buen karar) , sal, limon entero
i mas si no tiyene bastante sumo i 2 kucharas
de supa de asukar  -  por 8 endjinaras.

Kale ke tengan una savor agra i dulse.
La agua para kozer kale ke las kuvije. 
Se kozen fina ke no kede mas agua
i las endjinaras se agan muy blandas....

Agora, (oy es el 22 de Marzo 2010)  se topan
endjinaras en grandes kuantidades en los
merkados...  Es el tiempo i konsomamos muncha
endjinara en PESAH ! 

Es el tiempo de las "topinambours" (yer elmasi)
tambien.

Estas se pueden komer  (komo las komo yo)
sin kozerlas... Es un alimento muy savrozo i
fresko !  Komo frutas.... Komo el kolorabi !

Ken me puede dizir komo se yama el kolorabi
en inglez i en fransez ????  Es una verdura
ke konosi en ISrael.. Agora se topa en poka
kuantitad en los merkados turkos tambien.


Alternativamente,  kozgo las topinambours
(mundando i kortandolas) aryento de la komida
de endjinara de laskualas toman la savor ...

No ay mas savrozo i mas saludoza koza  !


Mijores saludos

Sharope blanko
 

sharope.blanco@gmail.com
 

   


 

- Copyright © sefarad.org - 1997 - 2017

Retour au site sefarad.org -