|
LAS PACHAS DE KODRERO
SUPA DE PACHAS (Pieds)
Las pachas se keman a la lumbre
para ser alimpyadas
i se rayan debasho de la agua koryendo.
Entre los dos dedos se korta (Profundo fina ande se puede)
i se kita la partida blanka de en medyo ke se echa.
Se buyen kon muncha agua.
Se mete la sal.
Kuando se kozyeron i se izyeron blandas blandas komo jelatin
los 2 gueysos de la pacha se despegan.
Se kitan i se echan.
En un bol se chafteya bueno bueno un gueyvo
se le ajusta una kuchara de arina i
ajo majado el karar ke se kere dospues
se ajusta 2 kucharas de supa de vinagro
se le ajusta manko de una kupa de la agua de la supa
para ke no kede pedasikos de arina no derritida
i se echa en la supa en meneyando.
Se buye otra vez
i la supa esta pronta.
PACHAS KON PATATA AL ORNO
Las pachas buyidas i los guesos tomados
se meten en un tefsin
kon una kupa i medyo de la agua ande buyeron las pachas.
Se kortan kuartos de 2 o 3 patatas ,
ajos majado,
salsa de tomat (una grande kuchara)
sal,
pimienta kolorada
sevoyas grandes kortadas
i pedasos de piperushka
i domat
i al orno !
Beteavon ! Bon Appetit !
Afiyet olsun !
Sharope kon el chapeyo alto de Chef
|
