Accueil - sefarad.org

Liquor de Vijna.

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

LIQUOR DE VIJNA
GUINDA/ GRIOTTE/ SOUR CHERRY / VISHNE

Ya empesaron la serezas...  ESto bolando en
las nuvlas de plazer porke es la fruta ke me
plaze lo mas.  La saison para las serezas en
Istanbul no es mas de maksimum dos mezes !
Ma estos dos mezes nunka mankan en kaza
estas serezikas ke yo komo demanyana, midi
i noche !!!!  Serezas iiiiiiii en poko tiempo empesan
las vijnas !  Guinda en Espanyol, Griotte en Fransez.
Son komo las serezas ma mas oskuras i tienen los
palikos mas largos.  Son un poko agras.... Se aze
kompote, dulse  iiiiiiiiii   LIQUOR  kon estos !

Justamente es la LIQUOR  ke me namoro yo !

No es tan fasil de azer ma para mi es un grande
plazer..  Agora vos va dar la  resefta  :

Vale la pena de azer en grande kantitad para ke
dure el anyo entero, fina la enveranada al otro
anyo.  El anyo pasado yo ize 4 kilos ma me se eskapo
komo chik !  A mis envitados les gusta muncho i es
mi plazer de darles una chika botelya para sus kazas.

Este anyo tengo entisyon de azer  10 kilos.

 

Ke tenemos de menester  :

Kavanozes/jarros de vidro grandes limpyos buyidos.
La vijna
Asukar
Klavos de komer / Clous de girofle
Canella  ( pasiko del arvole ) >  no afita nada si no tenesh !
Una kupa de  Votka - Gin o Cognac  para kada 2 kilos de vijna.


Lavo bueno bueno  la vija en grandes resipientes de plastik.
Les kito los palikos
Los incho en los jarros de vidro
Para kada kilo de fruta meto un kilo de asukar
(10 kilos de vijna >>>> 10 kilos de asukar)
ajunto el alkol, 5-6  klavos de komer , 2-3 kanelas
Meto los jarros  AL SOL !  A la terasa...Lo ke tenesh...
Kale ke seyan en un lugar repozado avyerto para ke fermente.
Es el SOL ke va derritir la asukar... En una semana mas o manko
verash ke va empesar a derritirse....  Kale empesar a meneyar
el jarro kada 3-4  diyas para ke todo se emleske bueno bueno.

NO AVRIR  3 mezes !

Dospues se kiya el likido ke es una LIQUOR maraviyoza
i se pueden komer las vijnikas !  O azer una kompot !
O uzarlas en los gatos... Komo keresh.

Las botelyas del likor kale guadrarlas en lugar aleskuro,
aryento de almaryos....

Servir kon chokolata ?  Ayyyyyyyyyy Mamita !  Ganeden !


Sharope blanco

- Copyright © sefarad.org - 1997 - 2017

Retour au site sefarad.org -