Accueil - sefarad.org

Pot au feu - La supa de puli de invierno i la supa de guesos i de puli

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
POT AU FEU  -   LA SUPA DE PULI  DE INVIERNO
 
-  Kuando las famiyazas nombrozas biviyan arrekojidas
debasho de un solo techo... Ande los nonos o el tiyo
grande era el Balabayt i todos se asentavan kon
venerasyon, grande respekto para los grandes en
la  meza, alavando Di-o  i la mujer de kaza ke les
aparejo la supa de la noche kon sus manos bendichas...
 
Una de estas kazas era la de mi nona paternal ke
tuvo  9 kreaturas  - 2 ijas i 7 ijos -
 
Esta supa se aziya  por 25-30  personas  de la meza diarya
familial  i era de una savrozor ke no se puede olvidar...
 
En la kaza de mi nona, le adjuntavan fideyikos tambien
( ke son makaronikos muy muy muy finos)  para ke la
supa se aga mas konsistente parese......I ke abaste a
todos malgrado las kalderas immensas ande las komidas
se gizavan.
 
 
*
EL  POT AU FEU  O LA SUPA DE GUEYSOS I DE PULI
 
Es una supa de invyerno, muy saludoza
i muy savroza.

Merkamos  karne de puli/jarrets   (de supa) i guesos
godros yennos ke se salan i se desha ke le
salga la sangre por seguro.  Se buyen los
guesos i la karne fina ke sale todo el tutano
i la karne empesa a dezazerse. Kale kitar la
spuma kuando koze i a la fin tener un kaldo
klaro.  Los guesos se echan i la karne se
aparte en un resipiente. Se mete a kozer
arriento de este kaldo (muncha agua):

(si ay de menester se transfera ma una otra
kaldera para ke los guesizikos chikos no entren
en la supa)

patatas,
karotas,
sevoyas,
muncho ajo,
prishil,
apyo, i buen karar de ojas de apyo
(kortados finamente todo)
pimyenta korolada,
pimyenta preta,
sal...
 
Se le puede  echar aryento ;
 
prasa / poireaux
pandjar/ bettraves -  komo en la supa rusa el Bortch -
 
 
Kozer
Fina ke empesa a dezazerse...
Ke no kede sin agua!
 
 

Ke vos venga al ojo una ermoza supa kalduda
i no komida de legumbres!

La karne se echa arriento de la supa kayente
antes de servir.

Sale una grande kaldera i tenesh supa por a
lo manko 3 diyas...

SHAROPE BLANCO
 
 
 

- Copyright © sefarad.org - 1997 - 2017

Retour au site sefarad.org -