Accueil - sefarad.org

Pachas de berendjena

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

PACHAS DE BERENDJENA
 
Una komidika de mi nonika muy savroza,
livyana ,  ke mi madre  Z'l  aziya i yo siempre
ago en enverano !  Ademas si veyo en el
merkado berendjenas no mas largas de mi
mano i finas ma no flakitas !
 
Es tambyen una komida pratika porke se
kome yelado dunke no ay menester de
kayntarlo para komer... Yo so haragana !
I..... Se puede azer un sandvich maraviyozo !
Por los ke les plaze  'grignoter'  la noche !
Savemos, todos, ke no es koza saludoza ma
kuando la hambre suona a la puerta......
Se avre la puerta del frigidaire !
 
Ke no me oyga mi ijiko, ke lo bueno de su
mamita !!!
 
Yo ago esta komida kon  SINKO  berendjenas
kurtas ma godrikas i finas !!!!
 
Mundo las berendjenas,  las korto komo plakas
a la largor,  sale kuatro pachas (plakas) de kada
berendjena !  Echo las pachas a la agua yelada
i salada para ke kite la kolor i la amargura.
 
Mundo un punyado de ajo.... Blanko blanko !
 
Mundo  TRES  grandas domatas i las korto a la largor
sin kitar las pipitikas.
 
Mundo un punyado de piperushkas vedres
(i koloradas si ay) 
en kortando las kavesas i las puntikas en la kola.
Las korto en dos a la largor i les kito las pipitas
Las lavo i las korto a la largor finamente.
 
Las pachas de berendjena se lavan dospues de
la agua salada, se esprimen i se meten al fondo
de la kalderika.  Ensima  domat, dospues ajo
i enriva piperushkas...
 
Dospues otra vez pachas de berendjena, domat,
ajo i piperushkas...
 
Medya kupa de AZEYTE DE OLIVA
Sal
Pimyenta
Una kuchara chika de vinagre por la savor solo
 
se desha kozar fina ke todo se ablanda enteramente
kon lumbre MUY dulse.
 
Yo no meto agua ma si vesh ke travo muncho su
kaldo porke la lumbre no estava bastante dulse
se le adjunta medya kupa de agua.
 
Se kome yelado...
 
Bon appetit
 
Sharope blanco
 
 

- Copyright © sefarad.org - 1997 - 2017

Retour au site sefarad.org -