Accueil - sefarad.org

Apyo kon naranja

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
 
 

APYO KON NARANJA
 
 
Lavamos el apyo ( 4 raises grandes komo el punyo )
 
Lo mundamos godro i lo kortamos  en
medyas lunas.
 
Lo deshamos banyar en un resipiente kon
agua limon i agro un poko.
 
1  sevoya mundada i kortada en medyas lunas
 
2  karotas mundadas i kortadas en dos i
dospues kortadas en baguetas.
 
La sevoya i las karotas se meten al fondo de
la kaldera. 
 
En sima el apyo pasado al agua.

Ensima de esto las ojıkas freskas i los palikos
mundados del apyo.
 
Se adjunta sal kuanto se kere i dos kucharas
de asukar. 
 
medya kupa de agua de azeyte de oliva
 
1 kupa de agua
 
1 kupa de narandja esprimida kon unos pedasikos
 
medyo limon esprimido.
 
Kuvijarlo i meterlo a la lumbre. 
 
Dospues ke buyo, meter a lumbre dulse fina ke se
aze todo blando komo lokum  !
 

Attensyon :
 
 
Se puede gizar
- sin sumo de narandja  (solo kon azeyte i limon)
- inchidas  kon lo ke se kere
- kon garnituras
 
azer salata kon apyo rayado, karota rayada, mayonez
o yogurt, kon ajo o sin ajo  ets....
 
 
El APYO  (Apium graveolens)
es un trezoro de vitaminas   A,  E,  C. 
tiene fibra i kalsio.... Es bueno para el sistem urinario,
el estomago, abasha la tension, tiene poko kalorias..
Alimpya la sangre i kura los granikos de la kara.
ES MUY BUENO PARA KALMAR LOS INYERVOS  !
Lo estan uzando al lugar del Viagra tambien !!!
Maraviya para el ilgado i los ke sufren de los renes.
Un regalo de los Sielos !
 
Bon appetit
 
Sharope blanco

- Copyright © sefarad.org - 1997 - 2017

Retour au site sefarad.org -