Accueil - sefarad.org

El tezpishti

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
EL TEZPISHTI
 
 
No se si ay gente ke azen este dessert dayinda...
Lo mas se aziya en PESAH kon arina de masa.
Ma por seguro ke se puede azer todo el anyo
komo se aziya en muestra kaza porke mi papa
i yo adoravamos esto !
 

Para transmeterlo a muestras ijas i ernueras
___________________________________
 

Tenemos de menester  :

6  gueyvos

Tres kuartos de  kupa de asukar

1 kupa de arina de matsa

Tres kuartos de kupa de azeyte de oliva

1 naranja rayada i el esprimido de la naranja

250 gr  de almendra rayada o muez (o los dos)
 
 

Para el sirop/sherbet  :
 

2 kupas de asukar
 
1 kupa de agua

el esprimido de medyo limon
 
 
-   Batir el amariyo de los gueyvos kon la asukar

-   Batir en nieve el blanko de los gueyvos

-   Mesklar al amariyo de los gueyvos,  la arina,
el azeyte, la naranja (rayado i sumo),
la almendra o la muez o los dos.

-   Ajustar el blanko en nieve avagariko
meneyando la kuchara del fondo para ariva.
 

-   Vazyar esto en un resipiente ke se pinto
kon manteka, margarina o azeyte de oliva.
 

-   Meter al orno kaynte fina ke se koze i
resive una ermoza kolor.
 
 

BUYIR el sirop i vazyarlo ensima del
TEZPISHTI  el uno kaynte el otro yelado.
 

Miyam miyam.....
 
 
 
Sharope blanco

- Copyright © sefarad.org - 1997 - 2017

Retour au site sefarad.org -