Accueil - sefarad.org

La supa de champiniones

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

No manken las soupas !  mmmmmm

LA SUPA DE  CHAMPINIONES

Es tan delisyoza ke vash a kerer tomar
esta supa kada diya !   Demanyana i la
tadre.....

La vedra es ke des de ke empesi a tomar
una revanada de pan bruno kon una tasa
de supa las demanyanas me siento muncho
mijor !   No se lo ke los doktores konsejan
en este kavzo, i  ni ke me enteresa !  Desidi
de murir una vez a la hora buena  i no diez
vezes al diya !  I yo me kero murir, si kere
el Di-o, arta i no ambierta......

Revenons a nos champignons !

Merkamos del merkado champinyones freskos
i los lavamos i los mundamos, se azen "djaspe" !
Komo korasonikos de los angelos....En vezes
me echo en la boka uno o dos deyos krudos !

En una casserole  derritimos margarina
(yo meto 2 kucharas de supa yennas yennas)
i vazyamos 3 kucharas de arina
meneyamos kon una kuchara komo por azer
un mahallebi i vazyando a poko a poko
un medyo kilo de leche.

Keremos azer de esta manera una
ermoza beshamel.

Metemos los champinyones al grill ensima
de una resha para ke eskurya el jus i se
kozgan un poko. 

Dospues las tomamos i las kortamos en dos.
(no muy finamente)

Kortamos finamente una grande sevoya
ke sofriyimos i kuando empesa de trokar
la kolor,  vazyamos aryento los champinyones.

Metemos 2 kubes  de bouillon  PARVE,
polvo de ajo
sal i pimienta preta
un poko de prishil finamente kortada
la sevoya i los champiniones sofritos
todo esto aryento de la beshamel.

Lo kozemos kon agua, komo mos plaze.
Unos les gusta mas kaldudo i otros manko.
Unos kon mas champinyones i otros manko.

Esto se yama supa de Ganeden !

Bon appetit ..

Sharope blanco
 


 

- Copyright © sefarad.org - 1997 - 2017

Retour au site sefarad.org -