Accueil - sefarad.org

El gateau de Pesah

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
PESAH DE ALEGRIYAS PARA TODOS  KON
 
EL GATEAU DE PESAH...
 
 
..... Porke nunka egzistio para mi PESAH sin su famozo
gateau ke penso ke se aze en kada kaza sefaradi  !
 
La verdad ke PESAH  es la fiesta de la matsa, de la arina
de matsa, de los guevos de la muez i de las fritadas de
ispinaka  (anchusa)  kalavasa, (kalavasucho)  berendjena
(almodrote)  i prasa/poireaux (prasifuchi)  !
 
Ma oy vos va dar la resefta del maraviyozo gateau asigun
lo aziya mi mamita !
 
 
TENEMOS MENESTER DE  :
 
 
      Kupa i medya de asukar
      Kupa i medya  de muez pasada
8    gueyvos (a la temperatura de la kamareta)
4    Kucharas de supa de azeyte de oliva
4    Kucharas de supa de konyak o Cointreau
      +  La kashkara rayada de un portokal / orange
Arina de matsa  (lo ke areyeva..)  Yo meto una kupa i medya !
 
 
PARA AZERLO    :
 
Separamos los blankos i los amariyos de los gueyvos.
 
Batimos komo nieve los blankos.
 
Batimos  muyyyyyy  bueno los amariyos kon la asukar
(mijor es pudra de asukar) 
 
Kontinuando a batir vazyamos la muez,
El azeyte,
El konyak,
La narandja rayada,
 i dospues ke esta todo emleskado,
emleskar otruna vez kon la arina de matsa i
ablandando kon los blankos de gueyvos en niyeve. 
 
VAZYAR EN EL MUL DE GATEAU 
DOSPUES DE PINTARLO BUENO BUENO
KON AZEYTE DE OLIVA  I ARINA DE MATSA
PARA KE NO S'APEGE.
 
KOZER FINA KE  EL PIRON  KE SE PIKA ARYENTO
SALE SEKO.   (yo lo meto en la partida  ORNO de la 
mikro-onda i me se aze en 17 puntos... En un orno normal
unos  20-25  minutos ?... Kale ver i kontrolar....)
 
MOADIM LE SIMHA
 
Sharope blanco

- Copyright © sefarad.org - 1997 - 2017

Retour au site sefarad.org -