Accueil - sefarad.org

Kucharikas de berendjena (la reyna del mupak sefaradi)

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

KUCHARIKAS DE BERENDJENA

(LA REYNA DEL MUPAK SEFARADI)
 
 

 

Korto las berenjenas sin mundarlas.
Una ves a lo largo i otra vez a la anchura.
Si ay berenjena chikitika por siguro se prefera.
Akel tyempo se korta solo a lo largo.
 
o
 
Mundo las berenjenas deshando 1 cm preto i
1 cm blanco, las korto a la largor i las
echo aryento de la agua kon sal en un
resipiente.  Kedan 1 hora en esta agua kon
sal ke se va azer preta i se echa.
Lavar las berenjenas i esprimirlas bueno
bueno para ke salga la agua.  Esto se aze
tambien para ke se vayga toda la amargura.
 
Se meten a buyir
 
o
 
En un sarten/poele se friyen las medyas berenjenas
fina ke se ablandan i se pueden avrir en medyo.
Se eskuren en ojas de papel o serviettes de mupak
para ke embeva la azeyte demasyada.

Dospues las enderecho en el tepsi, 
ensima del papel de orno.
La kashkara debasho.
Les avro la tripika
Kito lo de aryento de las berenjenas no muy ondo !
kon una kuchara de supa (Tavla es mijor)
Kale deshar un poko de berenjena en la kashkara tambien.
 
Lo ke se kito de aryento se esprime i se pasa
kon unos kuantos dyentes de ajo,
kezo blanco
i kashkaval rayado,
kuchara de arina (de matsa en Pesah)
gueyvo,
azete,
pimyenta,
muy poko menta seka
pimienta preta
anito / dere otu - fino kortado-  si ay....

Lo mesklo lo todo
 
i incho las kashkaras de las berenjenas
ke estan asperando en el tepsi.
 
Meto un poko de kashkaval rayada i ensima.
 
Agora ez la ora de meterlas en el orno,
abasharlas kuando ya se azen ruvyitas.
 
Kuando se yelaron meterlas en kuti serrado.

Komerlas yeladas.  (Kayintes tambien !)
 
No olvidar la kupika de raki allado.
 
Afiyet olsun.
Beteavon
Bon appetit
KON SALUD  !
 
Esta es la resefta de mi tiya....
Dainda me akodro de la savor muy mediterraneana
de esta komida de fiestas i de las mas elegantes
de muestras mezas.  
 
Guay guay... Me vino ganas de azerlas !

Karinyooooooooos
Sharope blanco

- Copyright © sefarad.org - 1997 - 2017

Retour au site sefarad.org -