Accueil - sefarad.org

Arozes - La maestria de las dammas de Kaza

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

AROZES -  LA MAESTRIYA DE LAS DAMMAS DE KAZA
 
 
Estamos oy en el mupak para entender la maestriya
de gizar diferentes tipos de aroz, una de las komidas
de baza de las mezas djudiyas.
 
LA BAZA NO TROKA :
 
El mijor es el BALDO Turko..
.El aroz deve ser de granos godros i grandes
 
Una kalderika de teflon para kozer aroz solo
i de kolor kolorada (!)  para ke seya komo la miya !
 
 
Sofriyir  un kuarto de  kupa de azeyte de oliva
kon  3 kupas de aroz bien lavada kon agua kaynte,
eskurida i enshuada.
 
Adjustar la sal.
 
Adjustar  3 kupas de agua friyendo.
 
Serrar kon la kuvyerta la kalderika
 
A lumbre no fuerte kozer fina ke se ve burrakitos
ensima del aroz.
 
Abashar la lumbre al minimum
meter una tovaja entre la kaldera i la kuvyerta
i desharlo ser una ERMOZURA !
 
Antes de servirlo se abolta para ke no keden
apegados, kon un piron.
 
Para servir  :
 
El bol (de kompot por egzemplo) se pasa al agua.
Se inche de aroz i se apreta de ensima un poko
Se abolta al chini i keda ermozo a ver !

Dekorasyon kon prishil  o anet o karota rayada....

---------------------------------------------
 
Para azerlo gourmet tenemos de enrikeserlo
kon savores, kon engredientes, de maneras
diferentes. 
 
LA BAZA NO TROKA.
---------------------------------------------
 
Para azer un IC PILAV a la ora de echar el
aroz en el azeyte echamos  pimyenta preta
muy poko de kanela  pinyones, pasikas,
medya kuchara de sukar
---------------------------------------------

Para  PILAV DE BODAS  a la ora de echar el
aroz en el azeyte echamos  kayisi/abricot
sekos  i prunas pretas sekas kortados en
pedasoz kon almendra emblankesida
o pinyones si keresh, una kuchara de miel o
de konfitura de kayisi

----------------------------------------------

Para el PILAV  (Mudjaddara arabo)
Lo mleskas kon lentejas vedres dospues de kozer

-----------------------------------------------

Para el AROZ DE LAS ISLAS  a la ora de echar
el aroz en el azeyte echamos pedasoz  de ananas,
muy chiko kortado poko de karota i piperushka
(korolada-vedre-oranj-preta) frutos de las
konfituras sin el kaldo, prunas freskas kortadas,

-----------------------------------------------

Para el AROZ DE FIESTAS  a la ora de echar
la agua kaynte ensima del aroz sofrito echamos
pimyenta preta, cholopatos/ilgados i korasonikos
de poyo KOZIDOS i kortados chikos, un poko de
kanela, pasikas pretas i pinyones

---------------------------------------------------
 
Para el AROZ DE SHABAT
Dospues ke se kozyo el aroz preparar lo ke se
va meter ensima.  Bezelya/petit pois/green peas
kozidos (a la vapeur)  allado del aroz.
Para ensima :  Lunas lunas grandes de sevoya
sofrita kon pimyenton vedres (alimpyados
aryento) - azer eskurir bueno el azeyte
 kon un poko de miel i buen mesklado
shampinyones freskos al grill - sekos sin kaldo-
 

------------------------------------------------
 
Para el AROZ TURKO
Servir lo kon FASULYAs blankas sekas (fijones)
o  NOHUT  (Pois chiche)  kozidos kon sevoya
i sos tomat  kon o sin karne
 
 o
 
Servir lo kon berendjena frita (kon sos o sin)

BON APPETIT
 
Sharope blanco
kon el chapeyo alto de los gizanderos

- Copyright © sefarad.org - 1997 - 2017

Retour au site sefarad.org -