Accueil - sefarad.org

Las frutas

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

LAS FRUTAS....
 
Pensamos ke komer frutas es merkarlas kortarlas i
meterlas en muestra boka. No ! Es importante saver
kuando komerlas tambien.
 
Las frutas no deven ser komidas dospues de la komida !
Lo saviyash ? Yo no ! m Kale komerlas al estomago vaziyo.
En este kavzo alimpyara vuestro sistem, tendrash energia para
peryer kilos i serash muncho mas aktivos.
 
Es importante de komer la fruta kuando tenesh ambre o antes
de la komida porke si no, al kontakto de los alimentos en
dekompozisyon en el estomago, van a produizir gazes i esto
vos va dezrepozar.
 
Frutas komidas en justo tiempo vos evitara de tener kaveyos gris,
de tener tinya, de sintirvos nerviyozos i tener manchas aleskuras
debasho de los ojos. Naranjas i limon se transforman a ser alkalin
en muestro estomago.
 
Es Dr. Herbert Shelton ke izo bushkadas sovre esto. Informan ke
kon la fruta se topa el sekreto de la belleza, de la vida larga, de la
salud, de la energia i de la felizitad de tener un puerpo ekilibrado,
ni godro ni flako.
 
Beved solo fruta resamente esprimida. No kayntesh esto.
Kozinar la fruta es matar todos los vitamines. No vos olvidesh ke
es muncho mas sano de komerla entera al lugar de esprimirla.
Si azesh un detox de 3 diyas kon solo frutas i jugos de frutas,
vash a saver ke :
 
KIVI : es chiko ma muy poderozo. Tiyene manyezyium,
potasium, vitamin E i fibra.. Vale 2 naranjas.
 
MANSANA : La gente saven ke la mansana no kontiene
muncha Vitamine C. Tiene antioksidantes i flavonoids ke
permeten la vitamin C de ser mas aktiva. Evita el riziko del
kanser del kolon i avre las venas....
 
FRAGULA : Fruta protektiva. Es la fruta ke tiene lo mas
de antioksidan. Bueno para no tener un kanser i venas aviertas.
 
NARANJA : 2 a 4 naranjas al diya vos proteja de la gripa.
Abasha el kolesterol, no desha ke se formen piedras en los
renes, los dissolve si ay.. Evita de tener el kanser del kolon.
 
KARPUZ : (La pasteque) 92 % agua ! Tiene muncho
glutathione ke ayuda a tener un buen sistem de proteksyon
(immune system) . Tiyene lycopene ke es aktivo kontra el kanser.
Kontiene vitamin C i Potassium tambien.
 
GUAVA I PAPAYA : Muncho vitamin C en estos.
Guava es rika en fibra ke es bueno por el funksyonamente de los
intestinos i la papaya tiene carotene ke es bueno para los ojos.
 
NO BEVESH AGUA YELADA DOSPUES DE KOMER.

Esto solidifika las grasas ke komitesh. Va kavzar ke la dijestion se
aga mas avagar. Puede kavzar el kanser . Es mijor tomar una supa
kaynte o agua kaynte dospues de la komida (Kinezos toman te i yo !)
 
LA KRIZA KARDIAK :

Es koza muy serya... No siempre el braso siedra enjideya !
Attensyon a la dolor en la riga de los dientes..
"la machoire et les gencives" en Fransez !

Ganas de gomitar i sudar son simptomes konosidos. 60 % de la
gente ke tienen kriza en durmyendo no se espiertan. Se puede
espertar kon dolor muy fuerte tambien....

Mas savemos i mas protejidos somos !
- La fruta la mas savroza es la ke se arranka del arvole del vizino ! -
(Me akodro de mi chikes kuando me metiya kon los ijikos del
kartye, unos 10-12 polisones, i mos ivamos a arrankar moras
blankas i pretas (!) ke mos pintavan de la kara fina las piernas
de esta ermoza kolor violet. Era inkluzo el keyf de kayer ensima
de los de abasho del arvole ! Dayinda tengo en mis orejas los
gritos de mi mamita, ke se soflamava de verme pintada de moras,
piernas arreskunyadas kon sangre, kaveyos emmelados i ojikos
yennos de plazer.... Artada por 2 diyas a las moras ! Diyas bendichos !)
 
Sorizas para todos
 
Sharope blanco

- Copyright © sefarad.org - 1997 - 2017

Retour au site sefarad.org -