Accueil - sefarad.org

El desayuno

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL DEZAYUNO
 
La komida la mas importante del diya !
Kale tomar su tiempo i savorarla sin presipitarse
a la puerta para salir a lavorar !
Es el dezayuno ke vos va prokurar el bienestar
durante el diya, tendrash mijores ideyas, serash
mas alegre, tendrash mas fuersas delantre de la
kanserya, vos vash a inyervar muncho mas poko,
serash mas produktivos i kon mijor salud etc.
No eskapan los bienfetos del dezayuno en muestra
vida. Es una komida ke no deve ser saltada de
dinguna manera.
Yo tengo unos kuantos tipos de dezayuno...
El ke prefero i komo esto 3 vezes a la semana
1.
Domat mundada en kuartos,
piperushkas dulses
(kochas i dospues meterles ajo, vinagre, sal i
azeyte de oliva - Preparar esto de antes para ke
seya pronto para kuando keras)
o piperushkas crudas en kuartikos
5 azeytunas
un pasiko chiko de kezo blanko echo minudo
ojas de basil, prishil
lo todo emleskado

kon 2 revanadas finas de pan bruno tostado
chay vedre

Una vez a la semana :
2.
Kozer :
zeyte de oliva
domat rayada
pimyenta korolada
piperushkas finamente kortadas
un poko de asukar o sweeta
sal i pimyenta
(oregano i polvo de ajo por ken kere)
i romper 2 gueyvos aryento
kon 2 revanadas finas de pan bruno tostado
chay vedre
 
Una vez a la semana
3.
2 revanadas de pan bruno tostado
ensima muy poko de miel i nada mas

kon chay vedre
Una vez a la semana
4.
Leche kon kricks kricks (esto ke dan a las kreaturas)
aryento i una kucharika de kanela
Una vez a la semana
5.
Yogurt fresko (yo ago en kaza) kon
salata vedre (o lechua) finamente kortada aryento,

5 azeytunas i una domat mundada en kuartos

(se mete i pipino ma a mi no me plaze pipino)
Una kupa de ayran (yogurt battido kon agua i sal)

Estos son kozas sanas ke nunka vos van a danyar.
I.... no vos van a engodrar !
Salud buena
Sharope blanco

- Copyright © sefarad.org - 1997 - 2017

Retour au site sefarad.org -