Accueil - sefarad.org

El borek de espinaka

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL BOREK DE ESPINAKA

Keridita

Los jnouns te rovaron ?
Ken son los jnouns por mundo tuyo ? Los djins ?
Komo satanikos chikos ? Oyyy si ke son negros !
Rovan, vazyan, matan, kitan, meten !
NEGROS I MALOS ! Komo afito ke vinyeron ande ti ?
Mete ajos i vinagre en kaza ! Es bueno para estos !
No les plaze la golor i se fuyen !
Traye dos gatos godros kon ojos mavis.... Ni esto les plaze !
Asopla en la pimienta preta saltando kon un piez...
ES bueno de azer esto !
Enklava 3 klavos a la puerta de entrada...
. Para ke el echizo seya kompleto i vas a ver ke ni
jnouns ni djins ni sedimes i ni los mijores de mozotros
vana vinir otra vez !

I yo ize BOREKA DE ESPINAKA esta semana
porke teniya los lavorantes ke pintaron la kaza i
dospues los alimpyadores !
Estava muy savrozo ! Komo se puede no komer ?!
Gizi para eyos i yo no va gostar ? Imposivle !

I Yo lo ago komo tu lo azes tambien.

La espinaka kortada muy finamente.
Buyida, esprimida.

Ajustar 2 guevos i kezos rayados
Margarina, arina i leche. (En kuantidat para azer komo una puree)
Kozer todo esto enjuntos.
Dospues tomar las filas.Espandirlas en el tefsin.
Inchir de este gomo,
tapar kon las filas,
otra vez inchir i tapar de muevo.
Ke no se aga muy godro !

Ensima gueyvo i kashkaval rayado i una kupa de leche. Pedasos de margarin antes de meterlo al orno. SUPER !

Aspartame engodra ?
Guay guay ke esto no lo saviya yo ! Topi el kupavleeeeeeeee !
I puerko ? Oy la porkeriya de jente ! Los vamos a enkolgar
por los piezes ! Traye tu la kuedra... Yo me kargo de enforkarlos !
Una punta de pye a la siya i esto es..
.

Me esto sonyando kon la boreka ke ize....
KE manera de savorrrrrrrrrrr ! Esta boreka
detruize kazamientos porke los hombres se van
a las mujeres ke no les plaze borekas !
Kale azer echizos !!!!! Es esto !
Boreka echizada. Guay guay !

Karinyozzzzz
Sharope komo borekita !

sharope.blanco@gmail.com
http://groups.yahoo.com/group/Sefaradimuestro/

- Copyright © sefarad.org - 1997 - 2017

Retour au site sefarad.org -