Accueil - sefarad.org

Los Beignets para Hanuka

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

Los Beignets para Hanuka

Ke lo bueno miyo de las fiestas de Hanuka ke mos estan yegando kon alegriyas, panderos, kandelikas, luzizikas, sorizas, kantes i felisitad....

...I mos traye la tradisyon de dulsuryas fritas en la fiesta de la azeyte ! Ni kale pensar a azer rejim en Hanuka porke Hanuka i rejim son dos kozas diverjantes !

Rejim en Hanuka ! Madre miya bendicha ! Olvidar esta palevra por 8 diyas sera el mijor ke se puede preferir ! Dospues ? Allah kerim ! " El Di-o es grande " diziyan los grandes... I eyos siempre teniyan razon.

Para azerlo kurtiko vos konsejo estos "beignets" ke salen muy buenos en los "otros" !!!! Yo ni ke las approvi ! Este anyo puedeser ? Peutetre !!!! Ma gosti ... I vash a ver si tengo razon !

Buyimos :

1 kupa de agua kon
medya kupa de manteka i
1 kuchara de supa de asukar

Kon una kuchara de tavla meneyamos bueno bueno 1 kupa de arina aryento de lo ke buyimos. Azer atensyon ke se aga homojen sin topizikos aryento.

Kuando empesa a despegarse del resipiente i se aze una masa es ke ya esta pronta.

Ajustamos :

4 guevos battidos
(Vanilya para ken kere)
i obtenemos una masa blanda (komo las tetikas ! hihihihi)

En la marmite de friyir metemos azeyte ondo i lo kayntamos muncho muncho !

Se echan pedasikos chikos de esta masa aryento i kuando se friyen asuven arriva ! Se kitan de la azeyte ensima de papel blando blanko para ke embeva la azeyte de demaziya.

Kon POLVO DE ASUKAR antes de komer..... o dulse de portokal dulse de vijna sharope blanko !!!!

SUCCULENT !

Kon karinyosssssssss
Sharope blanco

- Copyright © sefarad.org - 1997 - 2017

Retour au site sefarad.org -