BLOG - sefarad.org

Haim Vitali Sadacca

Letra Al Todo Poderoso

    MENU    

SEFARAD.org

INDEX - Haim Vitali Sadacca
[POEZIAS]
PRECEDENTE Page

AIDEZ-nous

Letra Al Todo Poderoso

Deseava bivir en un mundo sin distinksyon,
Un mundo sin kodisyas sin selos i ambisyon.
Tu el kreador de todas las bendichas almas,
Algunos en fuego,otros biven entre palmas.
Unos pasan la vida kon rikezas i rizas
Otros durante sus bivyentas kon tristezas grizas.
Ken arto,ken ambierto,ken hazino kon ansyas,
Algunos en bushkidas por aumentar sus ganansyas.
Si el buen destino se regalava igualmente
No iva egzistir una bivyenta diferente.
Perdoname Senior si es kulpa mi pensada
Esta petisyon es de tu parte enstalada.
Tu sos el duenyo de mi alma,de mi sensya,
Tu sos el ke mos das potensya a l'egzistensya.
Me atrivo kon respekto Padre Piadoso,
Por konfesar mis penas i tornar a mi gozo.

****

Haim Vitali Sadacca
Montreal

- Copyright © sefarad.org - 1997 - 2017

CONTACT

Retour au site sefarad.org -