Accueil - sefarad.org

Mevlana, uno de los mas grandes filozofos del mundo

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

M E V L A N A
 
UNO DE LO MAS GRANDES FILOZOFOS DEL MUNDO :
 

El padre del Ordre Mevlevi.
Grande poeto adorador del Di-o Uniko.
Autor de munchos livros - El Mesnevi
es su Ovra Maestra -  i poesiyas de Amor.
Konosido por su mistisizmo i su buendad
i su tolerensya sin limitos, el HESED
i el AMOR.  Sus ambezos son la paz i la
serenidad.  Tiene adeptos entros los
kistyanos, los musulmanos i los judyos.
MEVLANA CELALLETTIN RUMI
(1207 nasyo en Balkh - Afghanistan  
 Muryo en  1273 Konya - Turkiya)
 
VEN, VEN OTRA VEZ,
EL KUALKER KE SEYAS..VEN !
MISMO SI NO SOS KREYENTE,
MISMO SI ADORAS EL FUEGO
O DIOSES DE BARRO
MISMO SI SOS IDOLATRO
VEN MISMO SI SIENES DE VEZES
TE ARREPINTITES ....
MUESTRA PUERTA ES
LA PUERTA DE LAS ESPERANSAS
VEN KOMO ESTAS...
MEVLANA CELALLEDDIN RUMI
Traduizido por Sharope blanco
29.9.2009

Son sus versos repetidos sin kuento, por todos...
En el siglo 13....   Ni se puediya imajinar la persona a una koza asemejante !   El perdon kuaji no egzistiya...  Era el tiempo ke las kavesas bolavan en el aver por un si o por un no !
Los Dervishes de este sekto boltan kon la musika mistika del sufismo. Una mano arriva avyerta verso
los Sielos - para tomar la Hohma i la Fuersa divina - i una mano "mirando" a la tierra  - para dar a los hombres lo ke toma de "Arriva".
Kon la seremoniya del SEMA  los adeptos aspiran a aunirse kon el PERFEKTO, olvidar sus ego i yegar a la maturitad del nefesh.  Es un viaje spiritual sin deskriminasyon ande todos son bienvinidos i iguales.

Unos kuantas frazas konnektadas al sufizmo  :
-----------------------------------------------
Si tapas kon dos de tus dedos tus ojos  ke puedes ver del mundo ?  NADA !
MA esto no kere dizir ke el mundo no egziste..
Tienes la valor de lo ke puedes ver !
Seyas en tus amores komo las innondasyones..
En tus amistades i en tu fraternitad seyas komo  los riyos.
En ver la errores de los de mas, ke seyas komo la noche sin estreyas.
I ke seyas komo un ke no tiene mas vida kuando te inyervas !
Seyas modesto, mi ermano, komo la tierra
Ken ke seyas, mostrate komo sos
I seyas komo el ke los ojos ven !
Ay hombres ke no tienen vistidos
I ay vistidos sin persona aryento !
La savyedura es una mar i solo el ke lo va bushkar en los profundos lo va lograr...
MEVLANA

Este eskrito es traduizido enteramente por Sharope blanco
29.9.2009

 

- Copyright © sefarad.org - 1997 - 2018

Retour au site sefarad.org -