Accueil - sefarad.org

Kiti un pashariko de mi aldikera !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

SEFARAD IMUESTRO
 
 
 
OY  ES EL 26  DESIEMBRE  2009
ANTES UN ANYO I MEDYO....... EL 24 DE JUNIO 2008
SE FUNDYO SEFARADIMUESTRO !

http://groups.yahoo.com/group/Sefaradimuestro/

Keridos Amigos i mis amigitas,

Topi un mesaj de estos primeros diyas i esto
segura ke vos va interesar  !

Meldaremos lo ke eskrivi akel diya !
---------------

Kiti un pashariko de mi aldikera !

Buenas demanyanikas todos i todas....

Muestros muevos miembros vana resivir
otomatikamente un mesaj ke muestros
50 primyeros miembros no vieron !
Por la simple razon ke yo, inyorente
dainda sovre los echos i los echizos
en sityos asemejantes,  no saviya ke se
puediya azer !!! Agora LO TOPI yo solika
i pishin tomi el kalemiko para darle
un stiliziko miyo .....

Agora...No iva ser djusto ke los muevos
melden esto i mis keridos 50 primeros
no sepan nada de su egzistensya !


Wohouuuuuuuuuuuuuuuu

Puide avrir las puertas ke Yahoo me serro
a la nariz !

Agora es muyyyyyyyyyyy fasil de ser miembro !
Sin envitasyon i sin gameyos para viajar fina
ande mozotros. Kualo era ?

http://groups.yahoo.com/group/Sefaradimuestro/
arriva a la derecha azer klik ensima de "join this group"

o Un mesaj vaziyo a
Sefaradimuestro-subscribe@yahoogroups.com

o kon una letra a mi
sharope.blanco@gmail.com
dizirme ke keresh ser miembro de SM !  Tres facile !

Kero ver la primera persona ke me va eskrivir
"NO TUVE DINGUN PROBLEM" para achilearme
el korason !

PARA VOZOTROS LO DO AKI :

Bienvinidos
Bruhim Habayim
Welcome
Hosgeldiniz
Bienvenus a


S E F A R A D I M U E S T R O


Keremos kompartir muestra vida de kada
diya en muestra lingua kon amigos keridos...
Komo al tiempo de muestra chikes, en
muestras famiyas !
Keremos riir i meldar kozas interesantes,
oyir ideas i komentos de la djente, tener el
plazer de asperar ALMENDRA , soriyir
kon kuentizikos savrozos, azer dedikodu
(deke no !)- commérages,  bever un kafiko las
demanyanas o una birika la noche en meldando
bavajadas ke mos da keyf, "ver" los amigos i
avlar kon eyos i lo mas lo mas POR FAVOR
eskrivir todo lo ke vos viene del korason....
Un regalo virtual a los keridos miembros ke
estan aki para mozotros TODOS i no solo una
sharopika ke esto segura puede ser metida al
kanton kon munchos mijores eskritores...
Si........Yo konosko tantos de los muestros ke
son maraviyozos !
Aydeeeeeeee...No vos haraganej ! El kontakto
es la pluma o el  "key-board"  moderno !
chik chik chik i ya esta ! Letras bolandosen
para vinir de todas las vandas a la ventanika
majika ke es el screen de muestro ordinador...
Un kontakto komo el kontakto de ojo a ojo i
de mano a mano kon el poder fantastiko de los
biervos i de la lingua ! La amistad ke se puede
sintir del otro lado de muestra planeta !
Esta amistad, este karinyo ke es tan importante
para munchos de mozotros ke estamos solos o
a vezes sintimos el menester de ezbafar kon
alguno, de kompartir una fiesta, una alegriya,
un kazamiento, la vinida al mundo de un bebe
(mi kerida Liel de los Cherasi !)
o estamos tristes i keremos sintir biervos de
enkorajimiyento, o estamos hazinos i tenemos
dolor....Keremos olvidar esto en
konsentrandomos sovre una istoryika savroza,
un kuento ke mos traye la soriza en la kara o
eskrivyendo una koza ke mos parese enteresante...
.La vida !

Vos envito a azer munchas kozas, viajar, meldar,
ambezarvos arte o kualker koza para ke tengesh
muncho muncho de kontarmos !

Amistades a todos
Sharope blanco   :)

<sharope.blanco@gmail.com>

- Copyright © sefarad.org - 1997 - 2017

Retour au site sefarad.org -