Accueil - sefarad.org

Terremoto en Haiti

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

TERREMOTO EN HAITI
 
 
Mis Keridos,
 
Mi alma yora sangre dospues de la desgrasya ke
les afito a los Haitianos... La muerte los sorprendyo
kuando no se asperavan, en medyo de sus vidas
proves i dezesperadas....  Los Haitianos en la Mar
del Karibe son el puevlo el mas povre de los
payises vizinos.  Port au Prince es su dezmizeryada
kapital ke kuaji no egziste mas...  Todo esta
derrokado  i las personas estan abasho de las ruinas...
Manko i manko se les oye las boz del fondo del
infierno ande estan trapados debasho de blokes de
beton i los muros ensima de eyos... Los ke estan
ariva estan muertos o firyodos de las mas negras
maneras o...leshozzzzzzz yorando sus muertos
o mas negro, no puedyendo azer nada malgrado
ke oyen sus bozes dezesperados yamando por
ayuda.... Komo ayudarles, ken.....Mas de 100.000
muertos dizen en la media... Todos los payizes
los keren ayudar i mandan, esto segura, kuantitad
de todo lo ke ay de menester... A tal punto ke
Haita no tiene vido en su historya tanta komida,
agua, medisinas, doktores, ayudantes para todo.
El problem es ke le ayege esta ayuda a la mujer
sin sus piyernas muryendo en la punta de la kaleja !
3 Milyones de almas sin ande meter sus kavesas,
en una devastasyon total !  Komo dizimos no kedo
piedra ensima de piedra !   Un terremoto krual,
sin dinguna piadad ke aharvo el puevlo ya aharvado
por las mankuras ke travava... Mi Di-o adorado
tiene sus razones ke nunka konoseremos....
Los yamo a su Ganeden ... Estan en paz.
Ma los otros.... Ay buenos i justos i piyadosos
ke les estan dando mano i azyendo todo sus
posivle para alivyanar el mal... El Di-o ke los
ayude a eyos para pueder salvar lo mas posivle.
 
En Sefaradimuestro arrogamos de todo muestro
korason para ke se les alivyane todo lo ke sufren.
Les embiyo mis sentimientos de solidaritad  i
rogo para eyos para ke tengan pasensya, muncha
pasensya i koraje en esta krual eprueva.
 
Sharope blanco
 
 
 
PS  :   Kero alavar Israel por aver embiyado  220
personas para ayudar los Haitianos. Installaron
un hospital kompleto de kampo para pueder kudyar
5000  personas al diya !  Chikitiko Israel ayudando
komo un geante a la humanitad....  Ke el mundo
veyga ken es el judyo i ke payis es Israel ke no mos
manke !

- Copyright © sefarad.org - 1997 - 2017

Retour au site sefarad.org -