Accueil - sefarad.org

Fina ande injustisyas ?

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

FINA ANDE INJUSTISYAS  ?
de la pluma de Pilar Rahola...
Una mujer ke no tiene friyo en los ojos !
 
Traduizido por Sharope blanco


Pilar Rahola es un politisyana espanyola,
jurnalista i aktiva en la Siedra.  Sus artikolos
se publikan en los mas importantes gazetas
de Espanya i de Amerika Latina.

Muestro kerido Renaud Souhami mos enviyo
el artiklo de esta grande damma en Fransez
i vo lo traduizo kon plazer porke verdadmente
es difisil ke una muijer no judiya i ademas de
la Siedra eskriva un artikolo asemejante en
estos diyas tan duros para los judyos del
mundo entero....

PORKE NO VEMOS  manifestasyones kontra
las diktaturas Arabas en Londres, Paris o
Barselona ? 

Manifestasyones kontra la diktatura de Birmanyan ?

Manifestasyones kontra el esklavaje de  milyones de
mujeres ke biven sin dinguna proteksyon legala ? 

Manifestasyones kontra la utilizasyon de kreaturas
komo bombas humanas kuando se trata de un konflikto
kon el islam ?

Porke no ay dingun liderazko para protejar las viktimas
de la diktatura islamika en el Soudan ?

Porke no se siente dinguna ofensa kontra las atrositades
del terrorismo kontra Israel ?

Porke la Siedra no defende el derecho d'egzistensya de
Israel ?

Porke la Siedra esta tan kayada kontra el fanatizmo islamiko ?

Ke es la razon de dar tanto espalda al idealismo palestinyano
malgrado el terrorizmo ?

I para eskapar....La kestion de  1 Million de Dolares  !
Deke la Siedra de la Europa i del mundo estan kontra los
Estados Unidos i Israel  i no kontra las mas negras
diktaturas de la planeta ?  Las dos mas establesidas
demokrasiyas ke sufriyeron las mas sanglantes atakas
terroristas...  Esto no parese importar a la Siedra !

I vinyendo al konsepto de la libertad... En kada forum en
Europa pro-palestiniano oygo los chiyos histerikos de los
de la Siedra  :  "Keremos la libertad por el puevlo !"
ES falso ! Nunka se konsernaron por la libertad de la gente
ke bive en Siria, en Yemen, en Iran o en el Soudan o en
otras nasyones ande los derechos fundamentales estan
trespizados.  No se interesaron kuando el Hamas trespizo
los derechos de los palestinyanos !  Se interesaron del
konsepto de la libertad de los palestinyanos komo una arma
kontra la libertad israelyana !

La konsekuensya de estas patolojias ideolojikas es la
manipulasyon de los medias ... La prensa internasyonal no
esta aranjando las kozas tambien !  Aze mas danyo kon
sus publikasyones sovre el konflikto israelo-palestiniano.
No estan enformando el puevlo !  Estan azyendo
propaganda !  Kuando se trata de eskrivir sovre Israel, la
mayoritad de los jurnalistas se olvidan de la etika de la
profesion !  La defensya de Israel se ve komo un masakre
i kualkera konfrontasyon komo un jenosidyo ! Tanto se
eskrivyo kontra eya ke no kedo mas akuzasyones ke no
se formularon...

En mizmo tiempo, esta prensa nunka mensyona la
propaganda seya siriyana seya iranyana kontra Israel.


Traduizido por Sharope blanco

- Copyright © sefarad.org - 1997 - 2018

Retour au site sefarad.org -