|
PERFUM, FLORES I KANDELIKAS
Buenos dias a todos !
Un maraviyozo diya empeso i yo esto
estirandomeeeeeeeee en trantando
d'avrir mis ojikos a la luz de la
manyana :)
Ke ermozo sol i el balkoniko esta yenno
de flores de todas las kolores !
Oy mi te/chay de yervas tiene savor de
shokolata kon krema i pishkul !
Porke ? Porke kero ansina !
No so bova de bever chay de yervas !
Me digo ke es shokolata kayinte i
tiyene mas savor ! No se puede bivir
sin imajinasyon del todo....EL mundo
seriya muy grizo i enfasyozo !
Deke pensar ke esta sharopika en vedra
tiyene 66 anyos
- nasida en 1944 ! aze 66 no ? -
i es godra komo burekita i nada de
sharonfonfon komo kuando era luzya ?
No es mas atraktivo de pensar ke es
hmmmmm komo la keriyash ver ? He ?
Ansina komo yo era antes ! Kale ke
mete en el sityo fotos de sharope
de antes kuantos anyos ! Para ke se
achileyen muestros korasones !
Ma es kuryozo..Yo kuando me vo al
espejo me plazgo ! Lollllll Es porke
me kero muncho bien parese. Me embiyo un
beziko, ago una karesa ensima de la kara
ansina para sintirme amada i akompanyada
i la soriza me viene pishinnnnnn !
Prefero askrivirvos kuando tengo una
bueno humor i no kara de bistru
barminnam leshozzzzzz ! Traygo flores
allado de esta ventanika, la noche
asyendo kandelikas alegres i vaporizo
mi kantoniko kon los perfumes de
artistas de sinema :) Para ke los
eskritikos miyos salgan kon ermozura
i golores de flores ! Deke vos estan
plazyendo ? Por esto ! Pormodo del
perfum i de las flores i de las
kandelas aki !!!!
Ke tengash un diya ermozo kon golores
de rozas - Komo akeyas, las petalas
de laskualas azemos dulse de roza !
sharop duls
|
