Accueil - sefarad.org

Es un regalo de ser viejo !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
 
ES UN REGALO DE SER VIEJO  !
 
 
 
YO HABAKUK KULI,
PENSI I DESIDI
KE SER VIEJO
ES UN REGALO !

Por la primera vez en mi egzistensya so de verda
la "persona ke kije ser " toda mi vida. No ! No mi
puerpo por seguro ! En vezes me dezespero pormodo
de esto ! Rugas en todas las partes, ojos aunflados,
i mas otros defektos...I me allesho de esta persona
ke bive en los espejos i ke asemeja a mi nono !

Ya me pasa presto i trato de no komerme de mi para
mi sovre lo ke veyo...De dinguna manera no trokariya
mis keridos amigos, mi ermoza vida, miembros de mi
famiya por mankos kaveyos blankos o un puerpo sin
la tripa indo antes de mi !

Avansando en edad me topi kritikandome menos, Si !
Me ize mi amigo.. No me esto aravyando kon mi mismo
si komo biskochikos ke me dan la gana o no ago mi
kamika por 1,,,2,,, 3 diyas ! I..Si afito ke
merki unos materyales para azer kozikas un poko
fantastikas "avant-garde" en mi guertizika, ke
vayga i ke seya ! Me da ganas de ser un poko
ekstravagante i gastar en kozas ke no son menesterozas
de vezes en kuando ! Ke ay ? Tengo el derrito de komer,
azer lo ke kero, ser dezordonado i ekstravagante.

(..esto no sinyor lollll ! Ayyyyy ke no puide
kontenirme Yo !!!! >>>>>>Sharope)

Vide tantos buenos amigos mios ke mos desharon la
buena vida siendo mansevos dayinda i sin gozar de la
libertad ke se tiene kuando se entra en edad !

A ken le importa si kero jugar fina las 4 de la
demanyana en el Internet )
i me da ganas de durmir fina midi dospues ?
(Todo bueno ke tengas ! Siiiiiiiii :) )

Vo baylar kon las maraviyozas kantikas de los anyos
60 i 70 de mi para mismo i si me akodro,
(puede afitar deke no !) de un amor i me viene de
aryento de yorar porke no puedimos kedar endjuntos,
lo azere...Yorare todo lo ke kero i si me viene
de aryento de echar le una kupa en la kara porke
me mallogro mi vida, i ESTO lo azere ! I komooooo !

No me va importar (hmmmmm !) kaminar kon el mayo
de banyo ensima de mis karnes eskuryendo (yikes !)
o apegado a mi puerpo ke peza 10 % de una tona
en medyo de la djente elegante de un klub, mirandome
komo si vine de una otra planeta o kon miradas de
piyedad o mas negro...Elohim ! ...Kon sorizas ke
keren dizir dezgrasyas de kozas ! (Lo aleynu !)
Delantre de sus ojos me vo echar kon ke plazer a
las olas i vo nadar a mi gusto !
( No topates una plaj asolada un poko Benadam ???? )

Ya lo se ke munchas vezes me olvido de kozas.
Bueno...Se puede bivir i en no akodrandose de
todo ! De los mas importantes me akodrare puedeser
de una manera !

Kon tiyempo mi korason se kanso ! Komo no ?
Tantas muertes a mi doredor, personas ke me eran
keridas, la ke amava.....Komo kedar de piedra kuando
un chiko sufre i mizmo se firye o muere debasho de
una otomobil el perriko o el gatiko de kaza.
Korasones rompidos mos azen entiender la valor de la
vida, mos enfuertesemos i sintimos mas kompasion...
Un korason ke nunka se rompyo no puede todo entender,
no es fekunda....Es kaji muerta i no puedra gostar
de la alegriya de NO SER perfekto en la vida.

ESto tan feliz de yegar a una edad en la kuala ya
tengo todos mis kaveyos grizos i las rizas de mi
manseves.... Kuantos nunka rieron komo yo riyo,
kuantos no ayegaron a tener kaveyos blankos !

Es muncho mas fasil de ser pozitivo kuando uno esta
aedado ! No se aze atensyon a lo ke los otros
pensan....No me demando si tengo razon o no...
Gani el derrito de yerrarme i no tener razon siempre !

Todo esto no es sin fin, ya se save...Por el tiempo
ke vo bivir no me vo lamentar en "LO KE PUEDIYA SER"
i en "LO KE VA AFITAR" I vo komer Siiiiii Pastas
i burekas i dulses i kremas si me da la gana !
I esto es...Ansina va ser ! I si kero ? Kada diya !

----------------------------------

(Bravoooooooooooooooooooooooooooooooooooooooooooooo! )

Veygo ke es "Fresko" ke se lo embiya a "ALbert Basan"
ke lo embiyo a "Moris Eskenazi el bueno" ke me lo
embiyo a mi i de miiiiiiiiiiiiiii a vozotros todossssss

CECİ EST DU BON TRAVAIL  !

Agoraaaaaaa...Ya puedesh entender todos ke ay
munchooooooo de Sharope en estas linyas porke
no solo las traduizi hehehheh ma les meti
taponikos i biblos i flores i kandelas i kanti
kantikas ets.... Para ken? Para mis keridos
amigos i amigitas por seguro ....i por......
NO LO VO DIZIR ! lolllllll

sHaRoPe  bLaNcO

- Copyright © sefarad.org - 1997 - 2017

Retour au site sefarad.org -