Accueil - sefarad.org

Visyos, sportes danjorozos, riskar la vida

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

VISYOS, SPORTES DANJOROZOS, RISKAR LA VIDA

 
 
Kuantas kozas ay ke son attraktivas para siertas
personas i ke trayen solo grandes belas... Destruizan
la vida, famiyas i portante la gente no se ezvacheya ! 
Korren  komo akeyas moshkas inkonsiyentes a esta
luz ke eskapa por kemarlos i mueren.
 
Visyos, mas visyos !
 
Korrer detras de plazeres danjorozos, komo kursos
de otomobiles,  sportes extremos komo el bungee
jumping   (no se ke es el plazer de saltar de ande se
ve kon diffikultad la tierra, de boka abasho i atado
del pie para kedar enkolgado en el aver !!!)
fumar, tomar alkol, drogarse, jugar en los kazinos
metyendo toda su fortuna en la meza, asuvir a los
pikos de las montanyas kon kuedras, sin saver si
puedran retornar o entezarsen ariva !
 
Sportes komo el box i estos kombates ke azen,
komo los gladyatores modernos !!!  Tengo mareyos
de pensar solo en estas kozas.... No entyendo ! 
No me kuadra !  Puedeser porke tengo solo 5
gramos de meoyo ?  Ken save !
 
Mas i mas la gente estan bevyendo i estan uzando
drogas malhorozamente...Parese a un virus ke
salta de uno al otro de manera  ke no se esta
puediyendo limitar kon nada !
 
 
Famiyas se estan derrokando, las kreaturas se
enkontran kon problemes inkontrolables...
Yo lo yamo el terrorismo pasivo !  Esta kavzando
divorsyos, mujeres batidas, delinkuensya,
desempleo, rovos, matasinas i un gaste formidable
de un dinero ke puede por seguro servir a kozas
reelamente nesesaryas en kaza ! Todo esto sin avlar
de la salud ke se echa por la ventana !
 
El Di-o ke mos guadre a todos de ansina
de belas en la kavesa i ke guadre vuestros
keridos de kaminos tugertos  en la vida...
 
 
Sharope blanco
rogando por los ke kayeron sin mizmo rendersen kuento

- Copyright © sefarad.org - 1997 - 2017

Retour au site sefarad.org -