Accueil - sefarad.org

A Tiempo .... Agora !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

A TIEMPO.....  AGORA  !   

 

Saver guerreyar i uzar su pueder es el solo kamino a la independensya I a muestra libertad...No tenemos otros remedyos. 
 
Yo no kreyo en la politika !  Tenemos pruevas ke esto nunka gano los derechos de un puevlo.  La povlasion, la demografiya, la geografiya, la ekonomika del pais i sovre todo su FUERSA en su armada, en sus armas I en sus soldados son las bazas  de la paz.  Es por esta razon ke los mas konsistentes gastos de un payis, kual ke seya
 
(a la eksepsion de unos kuantizikos sin importansya komo el Vatikano,, la Andorra, el Luxemburg, San Marino,  el Vaduz, la  Suissa I otros de la mizma kategoriya) 
 
son para la defensya de sus territoryos... para merkar armas, tankes  naves I aviones de Guerra....Su armada !
 
 
El puevlo Judyo lo entendyo dospues del Holocausto kuando no teniya mas nada para peryer....  Agora lo save, desgrasyadamente ! Lo aprendyo ma tadre.... Dospues ke todos los otros payizes aseguraron sus frontieras en las mijores rejyones, kon tierras prosperas, rikezas naturales I todo bueno... Mos kedo un pasiko de payis I mil problemes para reglar antes de pueder bivir aryento de sus frontieras estrechas I kon vizinos gomitando kada momento sus venenos....
 
 
Grasyas al Di-o lo tenemos... I ke siempre lo tengamos  AMEN !  No es hora de dar mas....Es hora de saver guadrar lo ke tenemos, saver defenderlo I protejar muestro puevlo.... Ke si kayemos en las manos de muestros enimigos sin klemensya, krueles I sanguinaryos no tendremos dinguna chance de sobrebivir, seremos destruyidos kompletamente I el mundo se va kayar a lo mijor,  si no los ayuda a assasinarmos !
 
 
Seriya posivle ke el Governo de Israel I mis ermanos todos no lo sepan ????  Espero de todo korason ke NO ! Es difisil  ?   SI ! Muy difisil...  Ma es la unika solusyon antes de la   SOLUSYON FINAL   suyas  !!!!
 
 
Yo I mi puevlo no somos sus enimigos.  Ke mos deshen en paz I ke bivan miles I miles de anyos kon todo bueno.  No tenemos ojo en lo ke tienen.   Ma no keremos mas ser sus viktimas I murir debaldes pormodo ke mos odyan porke somos Judyos !  Esto NO !  NUNKA MAS !
 
 
Mos kidnapparon tres ijikos de Israel....  Mansevos ke no yegaron dayinda a la madures...  Ken save en ke kondisyones los sekestraron... Si estan bivos dayinda.....  Me duele kada selula en mi miente....  Komo si arrazgavan mis karnes.... Me duele sin kavo komo si eran sangre de mi sangre.... Fina kuando suportaremos estas desgrasyas ?  
 
 
TSAHAL  se enkargo de toparlos esta vez.....   Umos pretos veran muestros enemigos si no  yegaran bivos a kaza muestros ijos.... Di-o miyo ayudalos !   Yevalos en shalom al lado de los suyos...  Sus keridos ke no kedan de yorar por eyos...


Sharope blanco

- Copyright © sefarad.org - 1997 - 2018

Retour au site sefarad.org -