Accueil - sefarad.org

En el kalmo del lago

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EN EL KALMO DEL LAGO
 
Muestra historya se pasa en la kampanya
en Canada, al lado de un lago komo espejo,
egzaktamente komo en las kartas postales !
 
 
El marido sale a peshkar i esto es su hobby.
Un diya ke torno demprano de la peshka
se va a durmir porke se sentye kansado.
 

Su mujer toma su livro i se asuve en
la barka para meldar en el kalmo del lago
kon keyf. Espande sus piernas, kome su
sandvichiko i empesa a meldar en mizmo
tiempo.
 
 
En esto se aserko de eya un motor ofisyal
i el hombre kon uniforma la saludo ...
 
 
- Buenos diyas Madame ! Ke estash azyendo ?
 
La mujer se dize "no esta viendo ke esto
meldando ? Ke es esto !" Le respondyo :
- Buenos diyas i a vozotros... Komo lo
estash viendo esto meldando mi livro.
 
 
- Estash en un lugar ande es prohibido de
peshkar Madame !
 
- Lo siento komandante ! No esto peshkando,
esto meldando...
 
- Si ma esto viendo ke tenesh todo el material
nesesaryo para esto ! A lo ke me parese puedesh
empesar de un momento al otro ! Devo de reportar
esto i yevarvos a la komisaria, avrir un proseso i...
 
- Komisaryo ! Si azesh un solo paso de todo
esto me vo keshar ke me attakatesh seksualmente !
 
- Ma ni vos toki !
 
- Lo dizish justo ! Ma tenesh todo el material
nesesaryo para esto ! A lo ke me parese puedesh
empesar de un momento al otro !

- Ke pasesh un buen diya Madame !
 
El komisaryo la saludo i se bolto para alesharse d'aya.
 
 
LA MORAL DEL KUENTIZIKO :
NUNKA VOS METASH KON LAS MUJERES KE MELDAN !
ESTAS SAVEN APPARAMENTE AVLAR I PENSAR TAMBIEN !
 

Kon mis sorizas para todos
 
sHaRoPe bLaNkO
 

 

- Copyright © sefarad.org - 1997 - 2017

Retour au site sefarad.org -