Accueil - sefarad.org

El iman haham

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

Mis keridos,

Un haham, un papaz i un Imam komo reprezantantes de las tres relijyones se toparon para diskutir las paras/l'argent ke se arekojen de los membros de las kehilas. En primero el haham tomo la palavra i disho :

- Mozotros rayamos una riga a sinko metros de ande mos topamos. Echamos las paras ke se arekojeron. Los ke pasan la riga se uzan para los proves i por ayudar a los menesterozos. Lo ke keda afuera de la riga mos keda a mozotros.

El papaz meneyo la kavesa i disho :

- Mozotros tambien tenemos un sistem ke asemeja al vuestro sinyor haham ! Metemos un jarro a sinko metros de la eglisya i empesamos a echar las paras. Lo ke entra en el jarro por seguro ke se gasta por el Kamino Santo ! Lo ke keda mos apartiene.

El dalkavo tomo la palavra el imam. Muy seryozo, la mano en su barba, i los ojos a mitad serrados arekojo su larga jubba penso i penso i disho ansina :

- Di-o esta en los Sielos i no en basho ! Kale embiyarle las paras arriva ! Yo tomo todo i kon toda mi fuersa lo echo en Su direksyon. El toma d'aryento todo lo ke kere.... Es su derrito! Todo le apartenese ! Lo ke no kere me lo manda a mi atras... Ansina se ke el Todo Poderozo esta kontente.

Karinyosssssssss

Sharope blanco

- Copyright © sefarad.org - 1997 - 2017

Retour au site sefarad.org -