Accueil - sefarad.org

La makina de epilasyon

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

LA MAKINA DE EPILASYON

Una mujer elegante i paresyendo de buena famiya estava ritornando de su
viaje a la Suisse.

Se torno al saserdose ke estava asentado allado de eya :

- Padre, vos puedo demandar una favor ?

- Por seguro mi ija ! En kualo te puedo ayudar ?

- Me merki una mueva makina para la epilasyon. Es sofistikada i bastante kara.
Me parese ke depasa el limito ke es permetido en la duana. Pueden no deshar
ke la entre al payis ! Lo puedesh eskonderlo debasho de vuestro vistido ?

- Por seguro ke si mi ija ! Solamente, deves de saverlo... no puedo avlar mintiras !

- Sosh un santo mi padre i de vuestra kara se ve komo de derecha i limpya persona sosh.
Esto segura ke no vos vana demandar si yevash una koza defendida !

Kon estas palavras la damma le dyo al saserdote su presyoza makina...

Kuando estavan pasando por la duana, el hombre kargado de la duana demando al
saserdote :

- Padre, tenesh koza de deklarar ?

- De mi kavesa fina mi sentura no tengo nada de deklarar mi ijo !

El duaniero topo esta repuesta muy ekstranya !

- Bueno ! I ke tenesh debasho de vuestra sentura Padre ?

- Tengo un chiko enstrumento echo por el uzo de las mujeres ma ke nunka servyo fina oy !

El duaniero empesa a riyir komo un loko i le disho :

- Pasa Padre , puedes pasar .... El sigiente !

- Copyright © sefarad.org - 1997 - 2018

Retour au site sefarad.org -