Accueil - sefarad.org

Depresyon maskulina

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

DEPRESYON MASKULINA

La mujer akompanya su marido al doktor.
Dospues de averlo egzaminado minusyozamente
el Doktor toma la mujer en una kamareta aparte
para transmeterle los rezultados   :

Vuestro espozo tiene una depresyon muy grave.
Kreyo ke tiene muncho stress en su echo i en
vuestra famiya.   Si no lo kuidash maksimum se
va murir !  Vos rekommendo de   :

- Kada demanyana ke tenga sus desayuno en
grande kuantitad de alimentos sanos a komer.

- Ke se pueda alevantar tadre si lo dezeya.

-  entre el diya, ke seyash muy amavle kon el
i nunka vos permetesh de kontraryarlo !

-  Ke tenga siempre komida kaynte i una sena
espesyal si tadra la noche.

-  No lo enfasyesh kon las kozas ke evidamente
afitan en kaza .. Ni ke las sepa !  Pueden kavzar
el stress !

-  Kale englenearlo !  Ke tengash de vistir kozas
seksi.  Azerle masajes relaksantes kon olyos
perfumados ets.

- KE pueda mirar programes de sport i todo
los matches ke kera... Ademas nunka refuzadle
los ke vos va demandar...

Si puedrash azer todo lo oke vos rekomendi,
por 10 o 12 mezes va bivir i se va azer bueno
enteramente.

Kuando salen del Dr. , el marido demanda a
su mujer  :

-  Ke te disho  ?
-  Ke te vas a murir !

Ke nunka vos manke la riza !

Sharope blanco
 

- Copyright © sefarad.org - 1997 - 2017

Retour au site sefarad.org -