Accueil - sefarad.org

El hebonik

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
EL HEBONIK

En New York unas kuantas eskolas tomaron
la desizyon ke el "Judeo-Inglez" va ser la
segunda lingua i se va yamar el Hebonik.
Esta lingua ofisyalmente rekonosida va
kontribuar a la kultura de New York.
Howard Schollman, Profesor de linguistika
en la Universita de New York i spesiyalisto
en Hebonik disho ke es una lingua derivada
de los modelos de las linguas avladas por
los judyos en el Oryente medyo i en la
Europa Sentral i tomado tambien del Yiddish.

Prof, Schollman eksplika ke en Hebonik la
ripuesta a kualkera kestyon es en jeneral
otra kestyon kon una kesha. Komo :

- Komo estas ?
- Komo vo estar kon estas piernas miyas !

Schollman mos disho ke el Hebonik es un medyo
perfekto para el sarkasmo o el skeptisizmo.
Para esto se uza de un prefikso "sh"- "shm"
komo meza shmeza ! komo :

"Montanyas shmontanyas, kedate leshos !
Ke keres ? Ke te venga sangre por la nariz ?"

Un otro model en Hebonik es mover el sujeto a
la fin de la fraza i ekspresarlo kon un
pronombre al empesijo ! Komo :

- Esto es un ermozo fostan !
al lugar de por seguro "Este fostan es ermozo "!

El verbo tambien puede mover a la fin

Uno dize  "Esta lento komo una tortuga !" alora
el ke avla hebonik le va aresponder :

- tortuga shmortuga ! Komo una moshka en
vazelina, kamina...A esto mira tu !

Schollman mos dyo unos kuantos egzemplos de
su livro :

- Ke horas esta ?
En inglez : Ekskuzame no se
En hebonik : Ke so yo ?  Paresko a una pendula ?

- Espero ke las kozas vana trokar
En inglez : Grasyas
En hebonik : Para esto devo ke "ser" muy mazalozo !

- Ayde presto ! La komida ya esta pronta !
En Inglez : Agora ! Esto vinyendo
En hebonik : Bueno ya vengo ! Kualo es esta acile
preta ? Ay fuego en un lugar ?

- Me agrado muncho la kravata ke me regalates, lo vo
vistir siempre !
En inglez : Esto kontente ke te plazyo, kon salud
i kon vida.
En hebonik : Si!..Es kara! Ma kualo kon las otras
ke te regali ? Keres dizir ke no te aviyan plazido ?

- Sarah i yo mos prometimos.
en inglez : Felisitasyones
EN hebonik : Sos mansevo dayinda ke era la acile ?
Puediyas mas gozar de la vida ! Eya tendra
ke aflakarse de unos kuantos kilos buenos !

- Keres vinir a azer un torno a kavayo kon mi ?
en inglez : dime kuando !
en hebonik : Torno shmorno ! A ke paresko yo ?
A un kovboy ?

En un parti de aniversaryo !
en inglez : Buen aniversaryo, felisitasyones !
en hebonik : Te vere mas meoyudo este anyo,
me lo prometes ?   Esto es la vida !  Kada anyo
un anyo mas...

- K'ermozo diya
En inglez : Vedra ke es !
En hebonik : Veygo ke el sol ya se alevanto !
Ke mas ay otro de muevo ?

- El ijo telefona
En inglez :  Paso muncho tiempo ke no te avli...
Komo estas mi ijiko ?
En hebonik : No te aviyas merikiyado dayindo
si ya me muri ?


Shrompompom
 

- Copyright © sefarad.org - 1997 - 2017

Retour au site sefarad.org -