Accueil - sefarad.org

El Djin

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL DJIN
 
Sonan a la puerta i el hombre abasha para
ver ken es...  Es una mujerika manseva ke
muy averguensada le dize  :

-  Mi ijo viene de romper el djam/vidro
de vuestra ventana.  Esto muy embarassada
i vine a pagar lo ke esto vos va kostar.

El hombre soriye i le dize  :

-  Afito ma lo mas importante es ke kuando
la bala yego rompyo este vazo muy viejo i
de muy alta valor !

-  Ohhhh  !  Ke pekado !  Me vesh muy
triste de vedra.  Vo lo pagar tambien i esto.

-  No ...Vos devo un grande mersi !  Yo so
el djin de este vazo.  Aviya sien mil anyos ke
era prizonyero dentro i es vuestro ijo ke me
salvo.  DIme lo ke keres i te lo vo dar.

-  Ke buenooooo !  Kero una kaza komo un palasyo !

El hombre se fue...TElefono, disho unas kuantas
kozas i se torno a la mujer dizyendole ke su
palasyo estava pronto al bodre del mar.

Le demando un otro dezeyo.  Lo mizmo afito esta
vez la mujer demandando vistimientas las mas
ermozas.....El hombre le disho 

-  Djin te va regalar tu ultimo dezeyo.Ke es ?

La mujer medya ezmayada de felisitad le dize :

-  Djoyas...Dame las mas ermozas i valutozas
djoyas ke pueden ser !

El hombre se fue allado del telefon. Avlo avlo
kon uno i se bolto a la mujer por dizirle ke
lo aviya logrado i todo estava en el palasyo.

La mujer no saviya komo remersiarlo... Estava
loka de plazer ! En esto le disho el hombre  :

-  Todos estos anyos fui en prezo.  Nunka tuve
una mujer.  Me azes una buendad, kontra todas
las kozas ke te di ?  Kedate un poko kon mi
en mi kama....

La mujer penso penso....Ken puediya saverlo ?
Este djin ke le regalo tantas kozas....Disho
"SI"  i se fue detras de el.

Mas tadre... En avlando el hombre le demando

-  Kuantos anyos tienes ?

-  32 !

-  Me keres dizir ke a esta edad dayinda te
kreyes a las historyikas de  djines ?


Karinyozzzzzzzzzzz
 
Sharop duls

- Copyright © sefarad.org - 1997 - 2017

Retour au site sefarad.org -