Accueil - sefarad.org

Yo no soy patisyera !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

YO NO SO PATISYERA  !
 
 

Edith i Saul son muevos kazados... Fue un grande
Amor ! Eya tiene ventidos anyos i ermoza a
kitar loko una piedra  !   El tiene 35, un poko
kon antojos, un poko tinyo, un poko el estomago
a delantre i un poko kansado ma buen hombre !
Gana bueno su vida i de buena famiya...

Un diya ke Edith estava lavorando en el mupak
Supito las aguas de la payla empesaron a kayer
embasho... Soflamas, trayer kanyamazos,
alimpyar, esprimir... Povretika d'Edith penando
fina ke vino su marido a kaza.

- Ahhhhhh ! Si solo puediyas yegar mas presto
mi kerido ! Se rompyo el buri de agua i esto
alimpyando aze horas. Me lo puedes fiksar ?

- Yo ? Komo lo puedo fiksar ! So plombero
Te rogo no me deranjes kon ansina de kozas.

Un otro diya se le bozeya a Edith la lampa para
meldar i kale adovar el kordon ke va a la priz :

- Mi kerido, bueno ke yegates i Kale adovar
este kordon de la lampa.  Me lo puedes adovar ?

- Yo ? Tengo la kara de un elektrisyano ?
Deshame bivir ! No kero ke me des echos ansina !

Un mez antes, kuando Edith estava alimpyando la
garderoba le kayeron unas kuantas tavlas i se topo
en horas pretas porke no los puido meter a sus
lugar.

- Ay mi anjelo... Komo te estava asperando ! Estas tavlas
me kayeron ensima de mi kuando teniya echo en la
garderoba. Ven dame una mano i lo aranjaremos enjuntos !

- Yo ? Te olvidates ke no so un karpentero parese !

Telefonale a un karpentero amanyana para ke te lo adoven.
No es mi echo!

Una semana dospues Saul entra en kaza. Todo esta fikso,
Adovado, duzudeado i alimpyado ! Se riye i la beza a
Su mujer.

- Ke bueno kerida ke te veyo vistidika, relaksada, la
Kara riendo. Todo esta en orden !

- Si ¡! Es el viziniko de arriva ke me ayudo i me lo enderecho
todo. Ke luzyor i ke kapache de mansevo ! I sin paras !
Me disho ke teniya dos alternativas. Azerle una torta o...
Ya saves !! Ke seya dulse i buena kon el !

- Ah ! Ke lonso ! I ke torta le izites ? Kon shokolad ?

- Yo ?   Deke ?   Te kreyes ke te kazates kon una patisyera ?

Karinyozzzzzzzz

Sharope blanco


 

- Copyright © sefarad.org - 1997 - 2017

Retour au site sefarad.org -