Accueil - sefarad.org

Para bolar al Ganeden

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

PARA BOLAR AL GANEDEN

El Hodja de la meshkita en frente de las mujeres
Les darshava sovre la vida kon perfumes i flores
Les kontava solo sovre los bilbilikos en los arvoles
Una d'aki una d'aya, arroz en basho, trigo en alto
Meneya la kavesa, arrima la pacha, s'araska la tinya
Estira sus mustachos i mira a la lampa kon tiralanya
Las muestras fustukitas
Muezizikas i almendrikas !
El chupandose los mushos,
Los ojikos boltados,
Darshando ya esta se dize
Ma lo ke mas le sale
Sevoya, chorba i pimyenton
Tornando komo loko en su kanton
Una de las kokonikas le salta i le demanda
Los ojos embasho ma entera solevantada
Hoja efendi i si afita un yerro kon el doktor
Kuantos anyos tengo para arrepintirme de mi dolor ?
5 anyos por el doktor i 4 anyos por el enjenyor
S'alevanta otra entera entravada la kara korolada
I si afita kon el avokato Hoja efendi ke es la devda
Tres anyos mi ermoza diya por diya i moneda
Si me namoro, sin kererlo i me vo kon el Hodja ?
Una kon boz chika demanda sus byervos a penas se oyen
Hodja efendi, me averguenso i no keriya ke lo syenten
Ayyyyy mi kuklita te entyendo, keres irte al Ganeden !

Madre mia bendicha !
No se de vozotros
ma yo me namori de mi !

Sharope blanco

- Copyright © sefarad.org - 1997 - 2017

Retour au site sefarad.org -