Accueil - sefarad.org

Estos Shanronfonfones manko los vere

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

ESTOS SHANRONFONFONES MANKO LOS VERE !
 
From: Sal Amira
Date: Jun 13, 2010 6:14 PM
 
 
Ahhhhhhh mi kirida i muy blanka SHARUPIKA.

Ya vez komo loz SHARONFONFONEZ se azen tan
pesimistos kuando analizan a sus formaz
de pensar i kuando analizan  lo ke akurre en
muestro mundo ?

Si mi amor todo va ser al favor de muestra
kasa ISRAEL.  TENEMOZ MUNCHO AMIGOZ MOZ
AYUDARAN  TODOZ EN POLITIKA   I EN AYUDA
MORAL. YO LO SIYENTO ESTO EN MI MIZMO
en mi korason........

No yoraraz madre kuando el pesimizmo troka a
optimizmo i i loz hombres se daran manoz de
uno a otro en paz.

La esperansa de paz ke moz kede para biyen
AMEN VE AMIN.

Por aki loz 7 amigoz miyoz iyo ya estomoz
arekojendo donanasyonez para muestra kaza
ISRAEL  ande  suz gastos estan augmentando
por la dalavera  de Ahmednejati  (enforkado lo vere !)
i otroz ke se keren pasar komo los shampiones de loz
teroristaz.

Un gran abraso de tu inyeta GABI i toda mi famiya
te dizen. KALEMIN HIC KIRILMASIN VE BEYNIN HEP
SAGLIKLI KALSIN !....

TE ADORO MI AMOR un chiko grrrrrrrr para tu
korason........
SAL
MIAMI  (de Canakkale)


-------------------------------------

Kerido Sal

Guay ke se estan oyendo las trompetas
de guerra parese... Saudia deklaro oy
ke va deshar un estrecho koridor para
Israel en sus sielos si aviyones devran
pasar para Iran...  Kualo ke te diga...
A kada haber de este tipo mi korasoniko
aze hoooop i me da allergias de inyervizikos !
Ya esto tomando Cipralex por el kapak kayido
de estos lokos attavanados ke keren pintar
el mundo kon sangre !  Cipralex es la kura
ke dan a los lokos parese.... No se si lo
boli !!!!  El Dr, me disho ke muy munchos
uzan estas pillulas ke no son nada komo
estos ke dan para no kedar prinyada !
No se ke hayre me esta azyendo !  Yo no
veygo dinguna diferensya... Solo ke me vo
durmyendo mas, parese, komo akel gatiko ke
serra sus ojikos no importa ande se topa !
Se lo dishe a mi ijo...Lo de la pillula de
lokos (!)  Se metyo a riyir i me disho
"Mamita... I think he'll need that for
himself after talking with you !"   Yani ke
me kijo dizir aki ?  Me averguensi de
demandarle.... So loka o no ?  Tu de ande
vas a saver....Ni yo lo se a las justas !!!!
Una kura mas una kura manko.... Me los esto
englutyendo komo leblebis !  Kon punyados...
I no tengo nada !  Ni asukar, ni kolesterol
ni el trio de la gliserin (!) ni gueyvo ni
rana !  Ke me van inchendo de estas kuras
no se !  Nebil a kada vez  :  " Ahhhh esto
por seguro ! Kale ! "  " Ahhhh esto ?
Muy bien ! Ermozo ! ".... Le digo "Pashiko
miyo, presyado... Dime lo ke tengo ? "
" NADA mamita !  Estas mas sana de todos ma
kale ke t'aflakes absolutamente "   Ven i no
mentas agora.... Me vienen los biervos fina
la boka i me los engluto komo estos hapes
de todas las kolores !  Bombonikos por mi vida !
Yo aflakar  lollllllllllllllll !  El mundo
kale ke bolte a la reves para ke kreyga ke
esto es posivle....  SAL, me vo murir una
vez !  I no 10 vezes al diya... Esto es !
Mi vizinika me trusho agora almendras
enblankesidas kon un pokito de dulse de
fragula ke izimos..... Ke le diga  "Toma
esto d'aki i vate a la hamada ?!!!!! "
No i NO !  No se lo vo dizir ansina !
Me lo vo komer,rendyendo grasyas al sielo
ke lo puedo i esto sana !  Savroza koza !
Komo ke lo embiye atras ? Na... Ves ?
No esto loka !  El Cipralex kale ke lo
tome el Dr. de mata sanos !

Esto de arrekojer donos para Israel lo
azeremos todos.. No va aver remedyo...
Unos daran sus sangres, otros sus lavoros
i otros todo lo ke tienen.... Para bueno
ke seya AMEN !  Ke logren la PAZ... Es
esto de arrogar al Todo Puederozo...
ME muero del sar de guerra... Mizmo de la
palavra guerra ...No tanto para mi  ma para
los mansevos guay de mi !  Ken lo kere ?
Ma si esta eskrito... No avra remedyo !
Kijyera ser un pashariko i bolar leshossssss...

Kualo es ke eskrivi sin kedar ? Chiki chiki
vo eskrivyendo para dizir diez vezes NADA !

Abrasos amistados al leon de SM
de Istanbul finaaaaaaaa MIAMI !

Sharope d'ALMENDRA !

- Copyright © sefarad.org - 1997 - 2017

Retour au site sefarad.org -