Accueil - sefarad.org

Ke estash asperando ?

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

KE ESTASH ASPPERANDO  ?
 
El mundo muestro se esta kayintando  komo cay/the
ensima de la lumbre !

No abasta ke mos estamos tostando avagariko avagariko
ma los Sielos mos estan embiyando unos musafires komo
el senyor  innondasyon "flood",  la madam "hurrikana"
las matmazelas "tornedos" kon todo lo bueno ke mos trayen
en sus validjas para ke mos englenemos dospues ke se
arrematan !
 
Un dezgrasya de diya, se oyo en todos los lugares ke todo
se va ir de boka abasho kon una asuvida del mar ke va arezvalar
unos setenta porsyen de la populasyon del mundo a los oseanos !!!!
Oy vay iz meer ! En un meeeeeeeez !
 
Todos los famozos empesaron a avlar en la Televizyon, dando
konsejos, dando esperansa...
 
En uno de estos programos salyeron El Papa, Dalai Lama i
Muestro Hahambashi/Granrabino  para avlar al puevlo.

EL Papa disho para kada uno oyendolo
- No es tadre ! Aksepta Yeshu ke tu salvador !

El Dalai Lama disho un poko lo mizmo
- Es el tiempo agora de akseptar la filozofiya de Buda.
Si empesash puedeser ke entrash a la Nirvana kuando vyene la
ora de la katastrofa.
 
El Hahambashi disho mirando derecho a las kameras
- Mi puevlo santo ! Kon la Ayuda del Kadosh Baruh-hu,
tenemos solo unos 20 diyas para ambezarmos a bivir aryento
de la agua.   Ke muestros savyos siantifikos deshen todas las
aktivitas en el mundo entero, porke no es hora de lavorar para
los goyim.  Mozotros, sus ermanos, los asperamos ke mos digan
komo vamos a azer este echo i bivir en paz kon los pishkadikos,
i yo esto agora mizmo topandome kon todos los raves para desidar
de la mueva alaha i de KOMO KEDAR JUDYO. Vos puedo dizir de
agora de aparejar vistimyenta en entero apegada a vuestro puerpo
de la moda de los pishkados, blu para los hombres i roz para las
mujeres i sin kolor para los "diferentes" !!! - Ke vamos azer ! -
Ay jente ke no saven nadar barminnam ?????
KE estash asperando ! Agoraaaaaaaaaa !!!

Ke la soriza no vos manke !
sharope blanco

- Copyright © sefarad.org - 1997 - 2017

Retour au site sefarad.org -