Accueil - sefarad.org

Temel - 4 Konsejikas muy luzyas !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

TEMEL  -  4 Konsejikas muy luzyas !
 
 
 
 
Me eskarinyo de TEMEL .....Ke lo bueno miyo !
 
 
Temel la keriya muncho a su kavretika, una luzyor
de bestia, blanka entera i kon miradas tan dulses...
Un diya le tomo un kolar de perro i se fue a
kaminar kon eya en la sivdad !  Lo viyo Dursun
i kedo la boka avyerta :
 
- Timel !  Ke estas azyendu ?  Ke es esti ?

- Mi perri !

- Ke perri !  Esti tiene kuernis !

- Ahhh !  A mi no me interesi su vida privadu !
 
 
*
 
 
Temel entra a un Saloon en Texas !
Ve un hombre alto i flako asentado en una de las mezas.
Entra un kowboy al saloon, lo alevanta al flakito,
le mete un bokal ensima de la kavesa i tira kon su
revolver.  El bokal se aze pedasos.
El hombre alevanta las manos dize

- I am Pekos Bill
i sale del saloon.

Viene un otro lo  trava al flakito de su lugar le mete un
kuti de konserva ensima de la kavesa i tira.
El kuti se aze pedasos. El hombre alevanta las manos :

- I am Red kid
i sale del salon.

Temel ve esto i se alevanta de su lugar. Toma una
mansana i la mete a la kavesa del mizmo hombre
flako ke trava de la meza i pasa en frente de el.
Viza a la frente del hombre..  Tira i el hombre kaye muerto.
Temel soriye, esta muy kontento !  Lo ke los otros no
puedyeron el lo izo komo nada !

-  Think you think you !  I am Timel  of Karadeniz !
Da rivolver is mine freind !
 
 

 

*
 
Temel es shofer de un kamyon. Un diya kuando estava
konduizando en un kamino abashando a la sivdad
remarko ke sus freinos no estavan  funksyonando !

Vido dos kalejas en frente de el.  En el uno estava
jugando una kreatura i en la otra aviya un grande
merkado avyerto kon sienes de personas ayi.
Penso i se disho ke mijor valiya matar la kreatura
ke entrar en el merkado i matar muy munchas
personas.
 

 

A la manyana se meldava en los jurnales :
 
"El kamyon ke entro en el merkado mato a
150 personas !"

Pishin los jurnalistos vinyeron allado de Temel i le
demandaron deke no prefero matar a la kreatura i
entro en el merkado.
 

 

-  Ke te esta parisyendu !  Yo no so loki !  Por sierto
pensi matar el  oushak !  (oushak es kreatura
en el jargo de Karadeniz)  Ma ke puediyi azir kuandi
el oushak entri supitu al merkadu ?
 
 
*

- Copyright © sefarad.org - 1997 - 2017

Retour au site sefarad.org -