Accueil - sefarad.org

El diaryo de la blonda

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL DIARYO DE LA BLONDA !     

 

Desidi de irme kon un kruzero i pasar
mis vakansyas en uun vapor luksuozo komo
un hotel de 5 estreyaz.


Sino agora kuando ? Tengo 35 anyos...
Me esto envejesyendo i kero gozar de la
vida. Mi marido es un buffet en el salon !
Anyos i anyos en el mismo lugar sin meneyar !
Ke kede en kaza si tanto lo kere.. Yo kero
gozar.

Me merki fostanikos muy ermozos, mayo,
tovajas de plaj, kremas para el sol,
aksesuares ermozos i ke toman el ojo !
Tengo tualetas para la noche tambien.
Kero englenarme....

PRIMER DIYA :

Arrekoji todo lo miyo, ize mi makiyaj,
me visti i tomi el taksi para yegar
al kruzero.... Ke maraviya !

Esto muy eksitada

SEGUNDO DIYA :

Diya entero kruzando. El sol i la pisina.
Vimos balenas i dolfines. Konosi el kapitan
oy. Un hombre muy sempatiko.

TRESER DIYA :

Al bodre de la pisina. Ize jimnastik i jugi
tenis. La noche el kapitan me envito a
senar en su meza.... Ke honor ! Esto muerta
de plazer... Ke hombre atraktivo !

KUATREN DIYA :

Gani 800 $ en el kazino del kruzero ! No kreyo !
Ke shans ke tuve ! El kapitan me envito a senar
en su kabina privada por una komida kon kavyar
i shampanya.. Me demando de kedar kon el la noche
ma le dishe ke yo no vo trahizonar mi marido i
no aksepti.

SINKEN DIYA :

En la pisina oy tambien. El sol me kemo entera !
Entri al bar i pasi el diya oyendo muzika en el bar.
El kapitan mo topo aya i me envito a munchos
drinkes muy savrozos. Teniya la kavesa tomada.
Ke hombre atraktivo de vedra ! Me disho ke si
lo refuzo i esta vez vo kavzar el naufraje del vapor !
Oyyyyyy esta loko ! I si lo aze ? Tantas personas
se mueren pormodo de mi ! Porke lo refuzi al kapitan ?
Pensi bueno i desidi ke no tengo remedyo ! Yo no
puedre bivir en la konsiensya la muerte de tantas
personas. Ademas me puedo murir i yo !

SEJEN DIYA :

Oy salvi la vida de 1600 personas dos vezes !

 

Karinyozzzzzzz
Sharop duls

- Copyright © sefarad.org - 1997 - 2018

Retour au site sefarad.org -