Accueil - sefarad.org

ERRRRRRRRRRROTIKO !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
ERRRRRRRRRRROTIKO  !
 
 
PARIS es para mi la sivdad la mas ERRRRROTIKA
del mundo.  Kanta l'amor kon AZNAVOUR , gole l'amor
kon  ROCHAS,   viste l'amor kon DIOR,  grita l'amor
kon  PIAF,   mostra l'amor kon BARDOT, eskrive
l'amor kon SAGAN, aze l'amor kon LA SEINE,  bayla
l'amor en el MOULIN ROUGE.... Para los Inglezes, los
Fransezes son sinonimos de AMOR i del
ERRRRROTIZMO  !
 
 
Una amiga me eskrivyo ke desidyo de vjitar los
muzeos de Paris.  El muze de los jugettos,  las
egzibisyones modernas i el muze ERRRRRROTIKO
entre los otros !  Es kultura !  La kultura nasyonal
nombrada en el mundo entero !   Basta de dizir
PARIS  i todo torna al "ROSE BONBON" ! 
"PAPILLONS"  bolan delantre de los ojikos,
da ganas de komer "DU CHOCOLAT", se figura
la persona  "LES DESSOUS TROUBLANTS"
kozikas  chikitikas i finas de seda kon dantelas,
el  "ROUGE A LEVRES"   kolorado i briyando, LOS
"CAFE"  ande se tiene de menester de 20 ojikos
para no peryer nada de la vista i de las sorizas
ke bolan en el ayre !.... Ahhhhh ke maraviya es
Paris.... En la manseves..... Delantre del
"CAFE-CREME"  en un kanton de MONTMARTRE...
O el  "CHAMPAGNE"   ERRRRRRROTIKO   kon sus
spumas blankas i el "CAVIAR"  preto ke da mareyos
mas del vino livyano....livyano...bolando.....
En las miradas de brezas kemando.....
"Volontiers..."   "Peutetre...."   "Non..... Oui...."
"ah bon...... !"    " shhhhhhhhhh..... Oh lalalala ! "
tantos i tantos biervos  ERRRRRROTIKOS  por los
ke son kultivados.... Konosen la kultura fransez...!
Son elegantes...
 
 
Vos estava kontando de mi amiga.....
Justamente ayer dieron en la telvizyon Ingleza
un filmo kon Audrey Hepburn i Peter o'Tool de
antes medyo sieklo... "Komo Rovar  un Million
de Dolares"...  Se pasava en un muzeo de ande
deviyan  rovar una statu de la Venus !
ERRRRRRROTIKO  !     La rovaron !
A su lugar metyoron un bokal de vino ! 
Ayyyyyyyyy  ke muncho ke riyi.. Ya tyienen humor
estos Fransezes !
 
 
El filmo se travo en Paris !  Audrey
Hepburn era una de las artistas ke amava
lo mas  (dospues de la  ERRRRROTIKA
Madame Bardot !).  Fue una agreavle sorpreza
este filmo ke vimos kon mi ijo medyo avlando
i medyo durmyendo en el repozo de sus
kanapes blandos i ondos del salon !
La fruta no kaye leshos de su arvole !
Yo se de ande tiyene el gusto de lo muyyyyy
repozado !   Solo ke kuando es tan repozado
i konfortavle se serran los ojikos...
 
 
Serka de mi kaza en Istanbul ay un muzeo
de jugettes tambien.. Adoravle !
Muzeos  ERRRROTIKOS   no tenemos en Turkiya !
Es ke no le iva plazer esta ideya a  Monsieur
Erdogan okupado a tapar las  ijikas !  Ma solo
ermozos grandes ojos en medyo,  penso ke es
muy  ERRRRROTIKO  !
Una koza kale ke kite lokos estos povres
hombres... Sino komo se van a kazar ?
En mirando a los kalsados ?  Vedra ke
esto puede ser tambien muy ERRRRRROTIKO  !
Figuravos  una mujer entera tapada kon preto
i solo ermozos pies desnudos aryento de
eskarpinas enteramente avyertas kon bandas
delgadas o mizmo piedras briyantes, kon
talones altos altos i finos de kolor korolado !!!!
Povres hombres !  Pueden pyedrer el meoyo
dospues de dietas rigurozas en sus payis...
 
-  Ah me ensonyi de un pie !!!
 
-  Ah yo me ensonyi del kolorado !
 
-  Aviyan gatos ke aziyan miau miau....Mrrrrrrr..

-  Komo  ?

-  Mgrrrrrrrrr maouuuuu..... Me estavan
lambiendo la kara .... Ah ke suenyo...
..
-  Espiertateeeeeeeeee  Basta !
 
 
Karinyozzzzzzzz
 
Sharope blanco...Entera kolorada....
 

- Copyright © sefarad.org - 1997 - 2017

Retour au site sefarad.org -