Accueil - sefarad.org

El Papa i el rabino

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL PAPA I EL RABINO
 
 
Antes munchos siglos el Papa deklaro ke
todos los judyos deviyan partir de Italia
o konvertirsen al Kristyanizmo.
 
Los Judyos empesaron a echar gritos de
lamentasyon i el Papa les disho ke se kedariyan
si ganariyan el debato ke se iva azer kon el leader
judyo i el mizmo. Partiriyan o trokariyan de
relijyon si era el Papa ke ganava...
 
Los Judyos eskojeron un Rabino i lo embiyaron
a este debato. El Papa no saviya Yiddish i el
Rabino no saviya Italiano ! Deklararon ke
el debato seriya silensyozo.
 
El diya konvenido el Papa i el Rabino se asentaron
en frente el uno del otro.
 
El Papa alevanto su mano i le mostro 3 dedos
El Rabino miro detras i le mostro un dedo.
Dospues el Papa bolto su mano ensima de su kavesa.
El Rabino le mostro la tierra.
El Papa tomo una galeta i un vazo de vino
El Rabino eskojo una mansana.
 
Kon esto el Papa se alevanto i deklaro ke peryo
el debato. Disho ke el Rabino era demasyado
intelijente i ke los Judios puediyan kedar en
Italia.
 
Mas tadre los kardinales le demandaron al Papa
ke afito. El Papa meneyo la kavesa i les disho :
 
- Le mostri 3 dedos para mostrarle la santa
Trinitad. Me mosro 1 dedo para akodrarme ke
Di-o es Uniko, kon esto, para mozotros i para
eyos !
 
Alora le mostri ke Di-o mos entorna. El apunto
enbasho para dizirme ke Di-o estava aki kon
mozotros !
 
Kiti el biskocho i el vino para dizirle ke
Di-o pardona muestros pekados.

El kito la mansana para akodrarme del pekado
orijinaryo....
 

 

Gano i no puide kontinuar !
 
Del otro lado se arrekojeron los Judyos i
empesaron a demandar ke es lo ke afito al povre
Rabino entero kolorado de emosyon !
 
- No se ! No tengo idea ! Me disho ke teniyamos
3 diyas para partir de la Italia. Le mostri el
dedo ! Ke le parese a este !!!
 
Dospues me mostro ke todo la Italia se alimpyara
de los Judios. Le dishe ke kedaremos aki !
 
Mas tadre tuvo ambre... Tomo el biskochiko
i su vino. Yo tomi una mansana.. Ya me abasta...
 
Kedavos kon alegriya !
 
Sharope blanco

- Copyright © sefarad.org - 1997 - 2017

Retour au site sefarad.org -