Accueil - sefarad.org

El keyf de los kuentizikos

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL KEYF DE LOS KUENTIZIKOS

Grasyas a todos ke me estan mandando
konsejikas komo las gotas de la luvya !

 
Otras para vuestra savor de boka ....

Las traduizi para ke tengamos keyf i soriyemos
Sin pensar a lo ke mos buraka el meoyo !
No mos manka a kualo pensar !.....

Mos daremos las manos i olvidaremos todo el negro !


*

-  Ke estas azyendo asentado en tu kanton  ?

-  Nada !

-  Komo nada ?  Ay una hora ke estas meldando
muestro kontrato de kazamiento !

-  Estava mirando si estava eskrito la data de
kuando no seriya mas valable...

*

-  Keres komer ?

-  Por seguro.  Kualo tengo para eskojer ?

-  Si o No.


*

-  Siempre tienes mi fotografiya en tu portofolyo !

-  Si !  Kuando tengo un problem, no es importante
el kadar de grande ke es, miro a tu fotografiya i
el problem dezaparese..

-  Ah ?  Ves ke poderoza i mirakuloza so por ti ?

-  Si !  Miro a tu foto i me digo  "Ke problem puede
ser mas grande de esto !"


*

-  Mi amor, kuando estaremos kazados te espajare
todos los males, te kurare de todo lo negro i.....

-  Ma kerida !  No tengo dingun mal !  Todo esta perfekto !

-  Es porke no estamos kazados dayinda... Aspera  !


*


-  Mamie, esta demanyana kuando mos estavamos indo
kon mi padre en el otobus me disho de dar mi lugar a
una mujer.

-  Por seguro !  Teniya razon... Es ansina ke kale azer.

-  Ma estava asentado en sus piernas !


*

 El hombre muevo kazado le demanda a su mujer  :

-  Te kazariyas kon mi si mi padre no me aviya deshado
toda mi fortuna ?

-  Mi amor.... Me iva kazar kon ti  NO IMPORTA KEN te
iva deshar su fortuna !


*


-  Dame un bezo i sere tuya por toda la vida !

-   Ohhhhhh !  Grasyas por dizirmelo de agora !

*

 

-  Mi amor... Ke amas mas en mi ?  Mi karika o
mi puerpo sexy ?

-  Amo tu sensyo de humor !

*


El marido estava mirando la Televizyon ..
La mujer toma un kalsado kon talon i se lo da
kon fuersa a la kavesa !

-  Ke era esto ?   Para kualo me aharvates ?

-  Es porke topi en tu aldikera un papel ande estava
eskrito el nombre  "Jenny" !

-  Ay mi kerida !  La otra semana mos fuimos a los
konkursos  kon los amigos.  "Jenny"  era el nombre
del kavayo !

-  Oh... No me lo imajini !  Pardoname !  Ke tonta ke
fui ! 

Unos kuantos diyas dospues kuando su marido estava
bevyendo su kafe la mujer toma un vazo de la meza
i se lo chafta kon toda su fuersa en la kavesa !

El marido se ezmaya.... Ambulans, hospital...
Viyene en si i le demanda a la mujer deke lo aharvo.

-  porke tu kavayo telefono !

 

Karinyozzzzzzzzzzzzzz

Sharope blanco

- Copyright © sefarad.org - 1997 - 2017

Retour au site sefarad.org -