Accueil - sefarad.org

La vejes

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

LA VEJES
 
 
LOS TIEMPOS TROKARON AL PUNTO KE
SI NO ME KONOSIYA TAN BIEN IVA PENSAR
KE ME IZE VIEJO !
 
 
Ke manera de eskaleras estan konstruyendo !
Esta muncho mas difisil de asuvir....

Los azen parese mas altos i ay mas espasyo
entre los echelones !  
 
I ke dizir de los karakteres de los livros ?
Va meldalos !   Minudos !  Kale mikroskop
para meldarlos... Ya me ezvacheyo de mi
plazer.... Buen lokos !  No es a mi edad ke
vo empesar a uzar antojos.
 
 
El otro diya le demandi a mi inyetizika ke
me melde el jurnal para tener haber de lo ke
se esta pasando en este dezgrasyado de mundo !

Va entyendela.... Ni se oye su boz ! 
 
-  Ijika,  no te vas a kansar la boka si avlas normalmente!
Ke estas murmureyando entre tus dientes ?
 
le dishe.... Me kedo mirando... Las ijikas de oy
estan tontikas !
 
 
Todo esta mas leshos !  No se komo esto se paso !
Me tomava unos puntos de ir de kaza a la estasyon. 
Komo fue ke se alesheyo tanto i me toma agora el
tiempo de azer un banyo !

Ademas los trenos de oy tienen la negra manera de
metersen en kamino mas presto !
 
Las ropas de oy no son komo eran antes.  Se van
estrechando i lo mas en la talya !
 
No avlar del klima !   Los invyernos estan muncho mas
friyos i los enveranos imposivle mizmo de respirar...
 
Al bar de muestra kaleja enkontri un amigo de mi
manseves.   Aviya trokado tanto ke NO ME REKONOSYO !
 
Si....Todo troko.  Me parese ke solo yo kedi  el mizmo.....
 

Ke nunka vos manken las sorizikas.....
 
 
Sharop duls

 

- Copyright © sefarad.org - 1997 - 2017

Retour au site sefarad.org -