Accueil - sefarad.org

El avokado i el Judyo aedado

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL AVOKADO I EL JUDYO AEDADO


Un avokado i un judyo aedado estan asentados
uno al lado del otro en un volo largo kon avion.

El avokado le demanda al Judyo si kere jugar
un juego para ke se diviertan..

El Judyo esta kansado i solo kere serrar sus
ojos i durmir un poko... Le responde amablamente
ke puedran jugar mas tadre i ke se siente muy
kansado al momento mizmo.

El avokato ensiste :

-  Vos demando una kestyon.. Si no lo savesh me
pagash solo 5 Dolares.  Si yo no puedre responder
a vuestra kestyon, vos pagare 500 Dolares !

Esto attira la atensyon del hombre aedado i para
trankilizar el avokato le dize ke esta de akordo
de jugar.

El avokado demanda la primera kestion  :

-  Kuanto es la distensya de la planeta Tierra
a la Luna ?

El judio no dize una biervo, mete la mano en el
bolsilyo, kita un bilyeto de 5 Dolares i se lo da.

Agora es su torno.  Le dize  :

-  Ke es lo ke va ensima de una kolina kon tres
piernas i abasha de aya kon kuatro ?

El avokado utiliza su laptop i bushka todas las
referensyas ke el puedriya enkontrar en el web !
Embiya emailes a sus amigos... Inutil !  No tiene
repuesta a esta demanda....

Dospues de 1 hora de bushkada, el Avokado aksepta
su derrota.  Despierta el hombre de su lado i le
da  500 Dolares.  El hombre aedado mete las paras
en su bolsilyo, se torna de la otra parte i trata
de durmir otra vez.

Al avokado le embarasa ke no puido saver la repuesta,
lo espierta al Judyo i le demanda ke es esta koza kon
3 pyes en la kolina i ke tiene 4 pyes kuando abasha.

El Judyo un ojo serrado el otro avyerto, alkansa
su bolsilyo, tira un bilyeto de 5 Dolares, se lo
da al akvokado !....I, kontinua a durmir...


Sorizas a todos

Sharope blanco
 
 

- Copyright © sefarad.org - 1997 - 2018

Retour au site sefarad.org -