Accueil - sefarad.org

Lo ke se oye de la parte de las madres en kaza

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
 
LO KE SE OYE DE LA PARTE DE LAS MADRES EN KAZA  :
 
 
- Basta kon el tomadero de kupas del raf !
Ambezavos a enshaguar kupas un poko !
Veygo kupas vaziyas en la kaza entera...
Ni uno pensa ke sus lugares no es en basho,
en el salon i en las kamaretas ! Los vo
romper todos i tendremos paz una vez por todas !
 
 
- Atyooooo ! No agas sonar este telefon
guik guik por mundo tuyo ! Metelo allado,
echate i durme por fin !
 
 
- Tienes de menester estos papeles ?
Los esto echando ! Si no es yo, nunka vas
a uzar el chop (basura) !
 
- No ir a esta boda..... No ir a la otra boda !
Ken va vinir a TU boda ? Los perros i los
gatos de la kaye ?.... Solo eyos son tus amigos !
 
- Ke no kede la salata.. Es pekado ! Komeldola !

- Kuantas vezes otras devo dizirvos de no komer
alikas i tumbanikas antes de komer ! Vos tapash
la gana kon miliuna bavajada...
 
 
- No kero ni fyesta ni guevendina ! Seygash buenos
elevos i tu, ambezate tus lisyones !  Ya basta para mi...
 
 
- Ya me enfasyi de aparejar el dezayuno para kada uno
i uno aparte aparte ! Ande se tiene visto ansina de
koza !!!!
 
 
- Dospues, mas tadre.... Dingunos te van a echar
la kulpa ! Es a mi ! Es a mi ke me van a
averguensar ! Sere yo por lakuala van a dizir
"Ke madre ! no le ambezo nada !"
 
 
- Lenyo ! Por una vez te oyere dizir "Si mama"
Siempre hohentas... Ekskuzas... Rebellion....
Te juro ke lo vo kontar a tu padre... Ya me vino
fina'st aki !
 
 
- De mi al Di-o ke lo vo rompeeeeeeeeer este
telefon ! Te lo vo echar por la ventana !
Ke invento de diavlo es esta koza ! No te desha
bivir i a mi no me desha ganas de avlarte komo
benadam ! Serra una vez por todas su boz
feya i a la hamada ke se vaygan todos los ke te
bushkan guik guik ! Ya esto artaaaaaaaaa !
 
 
- Ande estan mis antojos ? Pasha.... Bushkamelos
ke esto muerta kansada de penar diya entero.
 
 
- Yo no esto en kaza por el ke me tiene de menester !
Me esto indo a konversar kon mi chikichiki
(komputadora). Me oyitesh ? Ni telefon ni
melafefon ! Si no keresh avrir la puerta, esta bien !
Yo no avro a dingunos.
 
 
- No esta yelado ? Va metete una jaketika !
Si no te lo digo yo ni ke pensas a azerlo ! Va i
metetela agora.... Dospues te vas a olvidar otra vez !
 
 
- Estas salyendo afuera ? No te olvides de trayer
un poko de fruta, un pan fresko, leche, unos
bonbonikos para los inyetos, un kilo de karne pikada,
6 guevos, azeytunas, i lo ke te pasa por la kavesa
para la kaza..... I pasa por los ijos. Esto en kudyado
de saver si tienen de komer ! Estas ernueras miyas
al lugar de guizar estan okupadas kon las amigas,
el coiffeur i sus madres ! Las vere bukteyadas!
(enfasyadas)
 
Sharope Blanco

- Copyright © sefarad.org - 1997 - 2017

Retour au site sefarad.org -