Accueil - sefarad.org

El doktor aedado i el doktor mansevo

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
 
EL DOKTOR AEDADO I EL DOKTOR MANSEVO
 
 
 
Un Doktor ke ya se aviya retirado de su lavoro
desidyo de avrir una klinika porke se estava
enfasyando en kaza sin azer nada...
A la puerta enkolgo una tabela :
DOKTOR MARTINEZ
OBTIENE TU TRATAMIENTO POR 500 DOLARES
I SI NO TE KURAS ARRESIVIRAS 1000 DOLARES
En este kartye morava el doktor Lorenzo ke era mansevo
dayinda. Meldo la tabela i se disho entresi ke este
viejo por seguro ke saviya poko de medisina ! Desidyo de
ganar los 1000 Dolares i se fue ande el.
- Doktor Martinez, peryi la savor de mi boka. Me puedriya
ayudar ?
- Enfirmiera ! Trayeme, por favor, la kura ke esta en la
kasha 22 i dale tres gotas de esto al senyor.
- Puahhhhhhhhhh ! Ma esto es gasolina !
- Felisitasyones ! Ya rekuperatesh el gusto ! Seriyan
500 Dolares.
El doktor Lorenzo estava frustrado de verdad !
Desidyo de ir de muevo estando seguro ke esta ves
lo iva apanyar !
- Doktor Martinez, esto piyedrido ! No me akodro
de nada. No tengo mas memorya !
- Infirmiera ! Trayeme. por favor, la kura ke esta en la
kasha 22 i dale tres gotas de esto al senyor.
- Nooooooooo ! Esto es gasolina ! No lo tomo !
- Ke Maraviya ! Veygo ke rekuperatesh vuestra memorya !
Solo 500 dolares, por favor !
El Doktor Lorenzo estava furyozo. Aviya perdido 1000
Dolares. Ma metyo inat (stubborn) i disho ke esta vez
se los iva tomar atras !
- Doktor Martinez, me se aflakaron los ojos de negra
manera. Esto kuaji syego. Peryi la vista....
- Regreto muy muncho... Para esto no tengo kura.
Aki estan sus 1000 Dolares. Los puede tomar....
- Un punto, un punto ! Aki ay solo 10 Dolares !
- Felisitasyones ! Rekuperatesh vuestra vista.
Esto muy kontente. Solo 500 Dolares por favor !
 
Ke nunka vos manken las rizas
 
Sharope blanco

- Copyright © sefarad.org - 1997 - 2017

Retour au site sefarad.org -